Новости за 10.02.2023

Кыргызстанда бейөкмөт уюмдар жөнүндө талаштуу мыйзам долбоорун кайра иштеп чыгуу үчүн жумушчу топ түзүлүп, аны курамына бейөкмөт уюмдардын өкүлдөрү дагы кирди. Жумушчу топ мыйзам долбоорун 1-июлга чейин даярдап коомдук талкууга алып чыгышы керек. Өткөн жылы ноябрда президенттик администрация сунуштаган долбоор эл аралык жана жергиликтүү уюмдардын сынына кабылган. Мыйзам долбоорундагы тобокелдиктер Президенттин сайтында мыйзам долбоорун “жеткире иштеп чыгуу” үчүн жумушчу топ түзүлгөнү жазылды. Читать дальше...

Жогорку Кеңештеги "Мекенчил" депутаттык тобунун 10-февралдагы жыйынында Транспорт жана коммуникациялар министрлигинин 2012-2022 жылдары аткарган иши жана 2023-2025 жылдарга карата планы талкууланып жатат. Анда депутат Айбек Осмонов түндүк-түштүк кошумча жолун куруу долбооруна байланыштуу маселе көтөрдү. Ал бул долбоордого коррупцияга байланыштуу дооматтарды иликтөө үчүн депутаттык комиссия түзүү аракети ишке ашпай жатканын айтып, аны аткаминерлер менен байланыштырды. Депутат бирок алардын аттарын атаган жок. Читать дальше...

Айыл чарба министрлигин өкүлдөрү Чүй облусуна караштуу Ысык-Ата районунда фермелер менен жолукту. Аталган мекеменин басма сөз кызматынын билдиришинче, буга дыйкандар пиязын сата албай, Ивановка айылында 50 миң тонна пияз сакталып турат деген маалымат негиз болгон. "Фермерлер өздөрүндө аз өлчөмдөгү  гана пияз сакталып турганын, көп өлчөмдөгү пияз убагында бир килосун 7-10 сомдон сатып алган ортомчуларда экенин айтышты. Ошол ортомчулар пиязды сыртка чыгарууга салынган тыюуну алып салууну суранып жатышат",-деп жазылган маалыматта. Читать дальше...

Кемпир-Абад ишине байланыштуу тергөө абагында отурган Мамбетжунус Абылов Улуттук госпиталдын урологиялык бөлүмүнө жаткырылды. Бул тууралуу анын жактоочусу Эркин Булекбаев "Азаттыкка" билдирди. Анын айтымында, Абылов бир канча күндөн бери саламаттыгына даттанып жүргөн жана ага эми операция жасалмакчы. Кемпир-Абад суу сактагычынын жери Өзбекстанга өтүп жатканына нааразылыгын ачык билдирип жүргөн отузга жакын саясатчы, активист жана блогер былтыркы октябрь айынан бери Бишкектеги №1 тергөө абагында камакта отурат. Читать дальше...

Түркия менен Сирияда катуу зилзаланын айынан набыт кеткендердин саны 20 миңден ашты. Түркиянын Өзгөчө кырдаалдар министрлиги бейшемби күнү кечинде 17134 киши мерт болгонун ырастады. Сирияда апаатта бери дегенде 3162 адамдын өмүрү кыйылды. Миңдеген адам жараат алып, там-ташынан айрылды. Урандыларды тазалоо уланып жатат жана мындан улам курмандыктардын саны дагы өсүшү мүмкүн. Кыргызстандын Стамбулдагы Башкы консулдугу Хатай провинциясында зилзалада бир кыргыз жараны каза тапканын, анын сөөгү... Читать дальше...