Новости за 21.06.2025

Беларус саясатчысы, оппозиция лидери Светлана Тихановскаянын күйөөсү Сергей Тихановский абактан бошотулду. Мындай чечим АКШ президентинин атайын чабарманы Кит Келлогдун Минскиге сапарынан соң ишке ашты. Жалпысынан Беларус абагынан саясий негиз менен соттолгон 14 адам бошотулду. Алардын арасында “Азаттыктын” беларус кызматынын мурдагы журналисти Игорь Карней да бар. Абактан бошотулгандар Вильнюска жеткирилгенин Келлогдун орун басары Жон Коул билдирди. Ал эркиндикке чыккан саясий туткундарга бүгүнкү чечим күтүүсүз болгонун да кошумчалады. Читать дальше...

Израил Ирандын өзөктүк программасын, анын ракета аткычтарын жок кылуу деген жүйө менен баштаган чабуулуна жана Иран ага жооп кайтарып жатканына бир апта болду. Бирок Израилдин чыныгы максаты Ирандын өзөктүк жайларын жок кылуу эмес, анын башкаруу режимин алмаштыруу деген пикирлер көп айтыла баштады.

Мамлекеттик ипотекалык компания (МИК) Бишкектин Маликов көчөсүндө колдонууга берилген турак үйдүн кире бериши "чөгүп кеткени" тартылган тасма боюнча түшүндүрмө берди. Маалыматта бул үй колдонууга кыш мезгилинде берилгени үчүн тоң каптаган шартта жерди толук тыгыздоого мүмкүн болбогону жазылган. Бул жерлерди кайра калыбына келтирүү иштери башталганы, аны подрядчы компания жасай турганы маалым болду. “Бул жердеги маселе имараттын конструкциялык коопсуздугуна эч кандай тиешеси жок. Видео материалда... Читать дальше...

Кыргызстан Орусияга бирдиктүү билим берүү мейкиндигин түзүүнү сунуштады. Бул тууралуу Санкт-Петербург шаарында өткөн эл аралык экономикалык форумда Министрлер кабинетинин төрагасынын биринчи орун басары Данияр Амангелдиев билдиргенин РИА Новости агенттиги жана кыргызстандык бир катар сайттар жазып чыгышты. “Кыргыз Республикасынын президенти Садыр Жапаров Орусия президенти Валимир Путинге бирдиктүү билим берүү мейкиндигин иштеп чыгуу үчүн биргелешкен мамлекеттик жумуш тобун түзүүнү сунуштады. Урматтуу... Читать дальше...

Кыргызстандын Тышкы иштер министрлиги АКШга F, M, J категорияларындагы студенттик жана алмашуу программалары боюнча миграциялык эмес виза берүүдө жаңы талаптар киргенин билдирди. 18-июндан тартып бул визаларга арыз берген бардык жарандар социалдык тармактардагы аккаунттарынын купуялуулук жөндөөсүн “баарына жеткиликтүү” кылып өзгөртүшү керек. Бул талап АКШнын миграция мыйзамына ылайык, арыз ээсинин өздүгүн тагыраак аныктоо жана анын өлкөгө кирүү укугун текшерүү максатында киргизилүүдө. Бул эреже F... Читать дальше...

Ош облустук милициясы Кара-Суу районунда бир жаран кайын энесин өлтүрүүгө, аялын уруп-сабоого шектелип кармалганын билдирди. Окуя боюнча 20-июнда Кара-Суу райондук милициясына маалымат келип түшкөн. "Окуя болгон жерге ыкчам-тергөө тобу барган кезде Мады айыл аймагынын тургуну үйүндө аялы менен кайын энесин учтуу нерсе менен сайганы, натыйжада аялы денесинен жараат алып ооруканага жеткирилгени, ал эми кайын энеси окуя болгон жерде каза болгондугу маалым болгон", - деп жазылган маалыматта. Бул факт... Читать дальше...

АКШ Кыргызстанды миграциялык чектөө салынган өлкөлөрдүн катарына киргизиши мүмкүн деген маалымат тарады. Буга эмне себеп болушу ыктымал? Эми кыргыз жарандарынын виза алуу мүмкүнчүлүгү канчалык чектелиши мүмкүн? «Азаттык» АКШдагы кыргызстандык юрист Айзада Марат кызы менен маектешти.

Оштогу “Келечек” базарында соода кылгандар шаарда жаңы салынган базарга көчүүгө каршы болууда. Миңден ашык соодагер иштеген базарда көбүн эсе кийим-кече сатылат. Шаар бийлиги өткөн жылдагы селден кийин борбордук базарды көчүрүүнү чечип, жаңысын кура баштаган.

Женевада Евробиримдиктин, Британиянын, Франциянын жана Германиянын башкы дипломаттары Ирандын тышкы иштер министри менен бул өлкөдөгү соңку кырдаалды талкуулады. Бул ирандык дипломат Аббас Аракчинин Израил менен атышуу башталгандан бери башка өлкөнүн өкүлдөрү менен болгон алгачкы жолугушуусу экенин Би-Би-Си жазды. Жыйында катышуучулар Иранды АКШ менен сүйлөшүүлөрдү улантууга чакырды. Тегеран буга чейин атышуу токтомоюнча сүйлөшүүлөр уланбай турганын билдирген. Жолугушуудан соң Аббас Аракчи журналисттерге... Читать дальше...

Израил менен Ирандын абадан чабуулдары 21-июнда да уланды. Женевада европалык тышкы иштер министрлери Ирандын башкы дипломаты менен жолугуп, өзөктүк программа боюнча сүйлөшүүлөрдү улантууга үндөштү. АКШ президенти Дональд Трамп Иран боюнча чечимин эки апта ичинде кабыл аларын кайталады.

Израилдин Ирандын Кум шаарына урган аба соккусунан эки киши каза болгонун израилдик Ynet порталы ирандык басылмага таянып жазды. Каза болгондордун бири Ирандын өзөктүк объектилеринде иштеген деген ыктымалды Jerusalem Post басылмасына таянып Би-Би-Си кабарлады. Кум аймагында Ирандын бекем корголгон өзөктүк инфраструктурасы - Фордо жайгашкан. Ошол эле маалда өзөктүк изилдөө комплекси жайгашкан Исфаханда да жарылуулардын добушу угулган. 21-июндун таңында Израилдин Коргоо министрлиги Ирандын түнү Израилдин... Читать дальше...