Жогорку Кеңеш Тилек Токтогазиевди айыл чарба министри кылып дайындоого макул болду
Ага суроо-сунуш берилип жаткан учурда айрым депутаттар Токтогазиевдин мурда мамлекеттик кызматта иштебегенин белгилеп, Кыргызстандын кыр аркасы болгон Айыл чарба министрлигин кантип өнүктүрө турганын сурашты.
«Бир Бол» фракциясынын лидери Алтынбек Сулайманов мамлекетти мурунку убакта аткаминерлер көтөрүп келген болсо, бүгүнкү күнү менежерлер көтөрүп жатканын айтып, жаш кадр катары колдоого жана тармакты өнүктүрүүдө жардамдашууну кызматташтарына сунуш кылды.
Тилек Токтогазиев 4-октябрдагы парламенттик шайлоого «Ата Мекен» партиясынын тизмеси менен барган. 7-октябрь күнү анын талапкерлиги өкмөт башчылыкка көрсөтүлгөн.
Тилек Токтогазиев 30 жашта, ишкер. (ZKo)