Тамбовдо ок-дары заводундагы жарылуудан төрт киши каза тапты
Маалыматка караганда, жарылуу Москва убактысы боюнча 14.00дө болгон. Жарылуудан кийин цехтердин биринде өрт тутанган.
Жарылууга эмне себеп болгону азырынча белгисиз. Тамбов облусунун губернатору Максим Егоровдун алдын ала маалыматтарга таянып айтуусуна караганда, жарылууга "адам фактору" түрткү болгон.
Тамбов ок-дары чыгаруучу заводу эң ири ишканалардын бири. Ал бардык калибрдеги артиллериялык жабдыктардын, куралдардын ок-дарыларын чыгарат.