Европа: Укугу бузулуп, уйкудан калган айдоочулар
Европанын жолдорунда оор жүк ташыган машина айдап жүргөн жүздөгөн кыргызстандыкты жолуктурса болот. Кээ бирлери эмгек акысын ала албай, келишимдин шарттары аткарылбай, алданып, атүгүл соттошуп жүрөт. Башкалары иш берген компанияларына, иштөө жана жашоо шарттарына ыраазы экенин айтышат. Road Transport Due Diligence Foundation уюмунун маалыматына караганда, борбор азиялык мигранттардын көбү эксплуатацияга туш болот. Айдоочулар кабылган адилетсиздик, алардын укуктарын ким коргоп, ким жардам берет? Европага аттанаардын алдында эмнени эске алуу зарыл?