Новости за 01.12.2016

Во рамките на состанокот на Меѓународната унија за техничка и применета хемија (IUPAC) се одобрени имињата и броевите за четири нови елементи. Два од нив имаат врска со Русија.

Двојниот портрет на Николај II и Владимир Ленин на презентацијата во Музејот на применета уметност на санктпетербуршката академија Штиглиц. Царот Николај II (1896) е насликан во годината на неговото крунисување од страна на портретистот И. Галкин. Во 1924 година, уметникот В. Измајлович добил нарачка за постхумен портрет на Ленин, кој тој го насликал на задната страна на портретот на царот, премачкувајќи го со црн гваш. 1 декември 2016, Санкт Петербург, Русија.

Претседателот на Русија одигра клучна улога во донесувањето на компромисното решение за намалување на обемот на производството на нафта на самитот на ОПЕК во Виена, соопштува агенцијата „Ројтерс“ повикувајќи се на извори во организацијата.

На 1 декември претседателот Владимир Путин го имаше своето годишно обраќање до Федералното собрание. Обраќањето традиционално го определува векторот на развојот на земјата во блиска перспектива. Годинава поголем дел од времето Путин зборуваше за социјалната политика, а не за надворешната како изминатите години. Лајтмотив на неговото обраќање беше повикот да се стави акцент на економскиот пораст и на помирувачките односи со Западот.

Се претпоставува дека остатоците од вселенскиот товарен брод „Прогрес МС“, откако експлодираше во орбитата, паднале на територијата на Тува, изјави за РИА „Новости“ извор во безбедносните структури на регионот.  

Претставничкиот дом на САД го усвои предлог-законот со кој се предвидува формирање на посебен меѓуресорна група за „откривање на скришното влијание“ на Русија, соопшти на 30 ноември „Асошиејтед Прес“.

Претседателот на Русија Владимир Путин го одобри новиот концепт на надворешната политика на земјата, соодветниот указ и текстот на концептот се објавени на официјалниот интернет-портал за правни информации, пренесува РИА „Новости“.

Забраната за увоз на странска прехранбени продукти удри по рестораните, меѓутоа во Русија сега се одвива импресивна кулинарска револуција, пишува Си-Ен-Ен.

„На многумина можеби и нема да им се допадне, некои ќе го искористат ова против мене. Но, последниве 5 години покажаа дека затворањето на базата Ганси е правилна одлука. Киргистан во иднина треба да се потпира само на своите сили. Ова се однесува и на руската база“, изјави Атамбаев на својата завршна годишна прес-конференција.

На научниот симпозиум во Истанбул на 29 ноември претседателот на Турција Реџеп Таип Ердоган неочекувано даде изјава кој силно одекна во јавноста: „Дојдовме во Сирија (турската војска се наоѓа на северот од Сирија од август 2016 година) за да ставиме крај на суровиот тиранин Башар ал Асад кој во земјата организираше државен терор“. Веќе на 30 ноември вечерта од администрацијата на Ердоган дојде соопштение за тоа дека зборовите на претседателот не треба да се сфаќаат буквално, но беше доцна – изјавата веќе предизвика реакции. Читать дальше...

Лидерите на сириската опозиција со посредство на Турција водат преговори со Русија за прекин на борбите во сирискиот град Алепо, соопштува „Фајненшел Тајмс“ повикувајќи се на извори во сириската опозиција.

Префрлањето на ракетните системи „Искандер“ во Калининградската област е предизвикано од деструктивните дејствија на НАТО, изјави шефот на руската дипломатија Сергеј Лавров.

Вежбите со ракетни гаѓања во јужниот дел на Украина веќе започнаа и течат со полн интензитет, изјави шефот на прес-центарот на украинската Воздушна команда „Југ“  Владимир Криановски во програмата на телевизискиот канал „112 Украина“.