Тринаесет претставки за говор на омраза од бугарски здруженија и граѓани до КСЗД

Комисијата за спречување и заштита од дискриминација добила тринаесет претставки од страна на бугарски здруженија и граѓани кои се Бугари.

Игор Јадровски од Комисијата за спречување и заштита од дискриминација денеска изјави дека претставките најчесто се однесуваат на говор на омраза по социјалните мрежи, а имале и една претставка за дискриминација на работа и работни односи.

„Заклучно со јуни, мислам дека имаме 13 претставки добиено, коишто се однесуваат на дискриминација на основа на етничка припадност врз лица од бугарска етничка припадност. Морам да кажам дека во два случаи имаат утврдено вознемирување, во еден немаме, осум претставки се во тек и имаме претставки, коишто се отфрлени заради неуредност. Законот кажува кои се основните работи, коишто треба да ги содржи една претставка за да може Комисијата да постапува и ако не ги содржи тие елементи Комисијата ја враќа на доуредување и ако подносителот не ја доуреди ние ја отфрламе“, вели Јадровски.

Османи: различните историски интерпретации не смееме да ги ставиме под говор на омраза

Кој ќе пријавува, а кој ќе казнува говор на омраза?

Тој вели дека овие претставки ги третираат како и сите останати, кои пристигнуваат до Комисијата, а најголемиот дел од претставките генерално се од областа на работни односи, потоа за пристап до добра и услуги, како и пристап до здравствени и социјални услуги.