Четири месеци по пожарот во дискотеката „Пулс“ во кој загинаа 62 лица и околу 200 беа повредени, Кочани во следните три дена ќе го одбележи Петровден, патрониот празник на градот. Вo сабота, на 12 јули, предвидена е комеморација за загинатите, марш за правда, но и музички концерт, што предизвика жестоки реакции во јавноста. В.д.градоначалникот Крстевски во писмено обраќање до јавноста вели дека на општеството му е потребно да заздрави по трагедијата.
