Јункер изјави дека Обама згрешил во оцената за статусот на Русија

„Би сакал да водам дискусија со Русија на рамноправно ниво“, изјави Јункер во интервју за телевизијата „Еуроњуз“ и додаде дека оценката на американскиот претседател била голема грешка.

Според него, во Европа е невозможно да се изгради безбедносна структура без учество на Москва.

Обама: Русија е само регионална сила

„Досега не видов никакви аргументи во полза на итното укинување на санкциите против Русија. Би сакал да имам договор со Русија кој излегува надвор од обичните рамки, имајќи предвид дека без Русија во Европа нема структура на безбедност“, истакна Јункер.

Претседателот на Европската комисија потенцираше дека спрема Русија треба има однос како спрема „голема структура и горда нација“. Според него, ЕУ треба да дознае уште многу нешта за „длабочината“ на Русија, затоа што унијата сѐ уште малку знае во однос на тоа.

Во март 2014 година по самитот за нуклеарна безбедност во Хаг Обама изјави дека Русија не е „прва закана за националната безбедност на САД“ и ја нарече земјата „регионална сила“, пишува РИА „Новости“.