Путин и Назарбаев разговараа со Ердоган за ситуацијата во Сирија
Претседателот на Русија Владимир Путин ја разгледа ситуацијата во Сирија со турскиот лидер Реџеп Таип Ердоган и претседателот на Казахстан Нурсултан Назарбаев.
Путин и Рухани дискутираа за ситуацијата во Сирија
Разговорот се одржа на иницијатива на турската страна – Ердоган му се јави на рускиот лидер за да му изрази сочувство во врска со несреќата на Ту-154 над Црното море. „Се одржа и подробна размена на мислења за ситуацијата во Сирија“, се вели во соопштението објавено на сајтот на Кремљ, пренесува „Лента.ру“.
Во разговорот учествуваше и претседателот Назарбаев, кој се наоѓа во работна посета на Русија. Претходно во неделата тој им изрази сочувство на роднините и пријателите на загинатите.