Tre mål på seks minutt gav siger

Everton låg under og sleit mot eit bastant Burnley-forsvar heime på Goodison Park. Men tre mål i løpet av seks minutt gav siger på 3-1.

Første omgang blei sjansefattig, men Ben Mee feira sin Premier League-kamp nummer 200 med å gi Burnley leiinga etter 53 minutt.

Det fekk fart i heimelaget. Michael Keane utlikna etter 60 minutt, og i det 65. og 66. plussa Andros Townsend og Demarai Gray på to til.

Laga fekk kvart sitt mål underkjent i den underhaldande andreomgangen.

Med sigeren går Everton opp på fjerdeplass med 10 poeng etter fire kampar. Det har også Manchester United, Chelsea og Liverpool, som ligg føre Everton på målskilnaden.