Riksrevisjonen: Toppsjefar i statlege selskap har høg lønnsvekst
Toppleiarane i 20 av 40 statlege selskap har mellom 2018 og 2021 hatt ein høgare lønnsvekst enn arbeidstakarar elles, viser ein ny rapport frå Riksrevisjonen.
– Vi merkar oss at mange daglege leiarar har ein klar lønnsvekst. Forventningane til moderasjon er tydelege, og styra og eigarane i statlege selskap må ta dette innover seg, seier riksrevisor Karl Eirik Schjøtt-Pedersen.
Rapporten viser også at 22 av 40 styreleiarar og 23 av 40 styrer i snitt hadde ein større auke i godtgjeringane enn den alminnelege lønnsveksten.