Demonstrasjonar i fleire byar i Israel
Det har vore demonstrasjonar fleire stader i Israel laurdag, skriv AFP.
I Tel Aviv kravde demonstrantane nyval, og at Hamas måtte sette fri alle dei israelske gislane på Gazastripa. Det var familiane til gislane som stod bak demonstrasjonen, som fekk følge av tusenvis av andre israelarar.
Det har også vore demonstrasjonar i blant anna Jerusalem og Haifa laurdag.
Det er planlagd nye demonstrasjonar i Jerusalem dei komande dagane, med krav om at regjeringa må gå av.