د افغانستان د کرکټ ملي لوبډله متحده عربي اماراتو ته ورسېده
د افغانستان د کرکټ ملي لوبډله متحده عربي اماراتو ته ورسېده.
د کرکټ بورډ ویاند فرید هوتک نن سې شنبه ازادي راډیو ته وویل چې د افغانستان کرکټ ملي لوبډله به د دې سفر پر مهال د روزنیز کمپ تر څنګ د متحده عربي اماراتو پر وړاندې درې تمریناتي لوبې د جنورۍ په ۱۶مه، ۱۸مه او ۲۱مه ترسره کړي.
ښاغلی هوتک وايي، له دې تمریناتي کمپ وروسته به د کرکټ ملي لوبډله د افغانستان په کوربهتوب له زېمبابوې سره دوه ۲۰ اوریزې او پنځه یو ورځنۍ نړیوالې لوبې ترسره کړي.
د دغو سیالیو لړۍ به د روان میلادي کال د فبرورۍ په ۵مه پیل او په ۱۹مه پای ته رسېږي.