کندهار کې د موټر د چپه کېدو په پېښه کې ۲ مسافر مړه او ۲۱ ټپیان دي
د کندهار-کابل پر لویه لاره په دامان ولسوالۍ کې د میرویس نیکه ټرانسپورتي شرکت اړوند یو ۳۰۳ موټر د چپه کېدو له امله دوه مسافر مړه او ۲۱ نور ټپیان شوي دي.
د کندهار د والي ویاند قدرتالله خوشبخت نن چهارشنبه ازادي راډیو ته وویل چې دغه پېښه نن غرمه د کندهار-کابل پر لویه لاره د کندهار په دامان ولسوالۍ کې رامنځته شوې ده.
د خوشبخت په وینا، ۳۰۳ موټر چې له کابل څخه نیمروز ته روان و، د تېز سرعت له امله چپه شوی او د شااوخوا ۴۹ مسافرو څخهيې ۲ وژل شوي او ۲۱ نور ټپیان شوي دي.
د پېښې ټپیان د کندهار میرویس روغتون ته انتقال شوي دي.