جوزجاني: په درزاب کې د داعش یوه فرانسوۍ غړې نیول شوې
د جوزجان امنيه قوماندان وايي، د دې ولایت په درز اب ولسوالۍ کې د افغان کمانډو او نړیوالو ځواکونو په ګډو عملیاتو کې تېره شپه ۴ داعش وسله وال وژل شوي او یوه فرانسوۍ مېرمن نیول شوې ده.
فقیر محمد جوزجاني ازادي راډیو ته وویل چې په وژل شویو کې دوه ازبک وسله وال دي.
ښاغلي جوزجاني وویل چې نیول شوې فرانسوۍ مېرمن د داعش په لیکو کې وسله والو ته رزونه ورکوله.
خو بل لورته د ملي امنیت ریاست وايي د درز اب په عملیاتو کې پنځه کسان نیول شوي چې دوه ازبک او یوه فرانسوۍ هم په کې شامل ده.