کشاف: دیني عالمانو توافق وکړ چې د افغانستان جګړه توجیه نهلري
د افغانستان د عالمانو د سرتاسري شورا مشر مولوي قیامالدین کشاف وايي چې په سعودي عربستان کې د اسلامي عالمانو په نننۍ غونډه کې توافق وشو چې د افغانستان جګړه توجیه نهلري.
مولوي کشاف نن سې شنبه په جده کې د امریکا غږ خبریال ته وویل:
"غونډه مثبته وه، ښه تېره شوه، حق تهیې حق وویل، ټول علما پر دې موافق شول چې څه چې په افغانستان کې تېرېږي، د اسلام له نظره توجیه نهلري."
د افغانستان د سولې عالي شورا وايي، هیله لري چې په غونډه کې به پر وسلهوالو طالبانو غږ وشي چې ژر تر ژره او مخامخ د افغانستان له حکومت سره د سولې مذاکرو ته کېني.
په جده کې په نننۍ غونډه کې د افغانستان او نورو ۳۷ اسلامي هېوادونو معتبرو عالمانو ګډون درلود.
هغوی سبا چهارشنبه په مکهالمکرمه کې سره ګوري.