مرتضوي: احمدشاه زمانزی د انتخاباتو د کمېسیون دارالانشا رئیس شو
د افغانستان جمهوري ریاست، احمدشاه زمانزی د انتخاباتو د خپلواک کمېسیون د دارالانشا رئیس وټاکه.
د ارګ د مطبوعاتي دفتر ویاند، شاه حسین مرتضوي نن ازادي راډیو ته وویل چې زمانزی د دې ادارې د ریاست وړ بلل شوی او باور لري چې دا مسؤلیت به ښه سر ته ورسوي.
د افغانستان د انتخاباتو د خپلو اک کمېسیون ویاند نن ازادي راډیو ته وویل چې د کمېسیون د دارالانشا نوی ټاکل شوی رئیس به ډېرژر خپل کار پېل کړي.