طالبان وایي د ماسکو غونډې ته یو جګپوړی پلاوی استوي
طالبان وایي چې دوی به د ماسکو غونډې ته یو جګپوړی پلاوی واستوي.
رویټرز اژانس پرون څو ساعته وروسته تر دې د طالبانو د ویاند ذبیح اله مجاهد په وینا دا خبر ورکړ چې د افغانستان د بهرنیو چارو د وزارت ویاند صبغت اله احمدي ازادي راډيو ته وویل چې د ماسکو په غونډه کې به د افغانستان د حکومت استازي برخه وانخلي.
واشنګتن هم دې غونډې ته خپل استازی نه لیږي.
تمه ده چې د سپتمبر په څلورمه د ماسکو په غونډه کې د پاکستان، ایران، هند او د منځنۍ اسیا د پنځو هیوادو استازي برخه واخلي.