چارواکي: په کندهار او ارزګان کې ۱۱ وسلهوال وژل شوي
چارواکي وايي چې په کندهار او ارزګان کې یې په بېلابېلو عملیاتو کې وسلهوالو ته درنه مرګ ژوبله اړولې ده.
په جنوب کې د ۲۰۵ اتل قول اردو ویاند تورن احمد صادق عيسی وایي، دا عمليات د کندهار په خاکرېز او د ارزګان په مرکز ترینکوټ او خاص ارزګان ولسوالۍ کې د ملي اردو د ځمکنیو او هوايي ځواکونو له لوري ترسره شوي چې پهکې ۱۱ وسلهوال وژل شوي او ۲۳ نور ټپيان شوي دي.
عيسی وویل چې په دې ۲۴ ساعته عملياتو کې د وسلهوالو يو شمېر وسلې او مهمات هم د افغان ځواکونو لاسته ورغلي دي.
نوموړي په ترسره کړو عملياتو کې د امنیتي ځواکونو د زيان په اړه څه ونهویل.
طالب وسلهوالو هم تر اوسه په دې اړه رسنیو ته څه نهدي ویلي.