د شهباز شریف نیولو يرضد د پارلېماني غړیو پرلت
د پاکستان يوشمېر سياسي ګوندونو په قامي اسمبلۍ کې د اپوزيشن د مشر شهباز شريف نيول غندلي دي. مسلم ليګ (ن)، متحده مجلس عمل او نورو يوشمېر سياسي ګوندونو نن پنجشنبه په اسلام اباد کې د پارلېمان ودانۍ مخې احتجاجي غونډه وکړه. پر دې مهال د پښتونخوا معپ سېنېټر عثمان کاکړ تور ولګاوه چې حکومت له اپوزيشنه د سياسي انتقام اخیستو په هدف د مسلم ليګ (ن) مشر شهباز شريف نيولی دی. د پنجاب صوبې د لاهور احتساب عدالت شهباز شریف په لس ورځني جسماني ریمانډ احتساب ادارې ته سپارلی دی.
شهباز شریف چې د جمعې پر ورځ ونيول شو، پر نوموړي تور دی چې د ۱۴ اربه روپیو ارزښت لرونکې اشیانه اقبال هاوسینګ سکیم کې یې درغلۍ کړې دي خو نوموړی دا تور نه مني.