په ترکیه کې په یوه ټرافیکي پېښه کې ۲۲تنه مړه شوي
د ترکيې په لوېديځ کې لږ تر لږه ٢٢ کسان هغه وخت مړه او څو تنه نور ژوبل شول چې په پناه غوښتونکو بار يوه لارۍ د لويې لارې له کټارې سره ټکر شوه.
دغه موټر وروسته ٢٠ متره لاندې يوه کانال ته نسکور شو.
د ترکيې دولتي خبري اژانس انادولو خبر ورکړى چې په ننني ټکر کې د مړو په منځ کې ماشومان هم شامل دي او ١٣ کسان ټپيان شوي چې روغتون ته لېږدول شوي دي.
انادولو خبري اژانس وايي، لارۍ موټر چې له ايدين څخه ازمير ته روان و، ټاير يې د سړک له مسير څخه واوښت.
د پناه غوښتونکو د هويت په اړه يې معلومات نه دي ورکړي.