له پاکستان سره پر پوله ۱۴ ایراني پوځیان تښتول شوي

د ایران دولتي رسنیو نن، سې شنبه داکټوبر۱۶مه، وویل چې ۱۴ سرحدي ساتونکي له پاکستان سره پولې ته نږدې تښتول شوي دي. 


په تښتول شوېو کسانو کې اووه بسیجي ملېشه او دوه د ایران د سپاه پاسداران انقلاب د استخباراتو د برخې مامورین وو چې په سیستان او بلوچستان ایالت کې يې عملیات کول.


د ایران رسمي خبري اژانس اېرنا ویلي چې دا کسان نن سهار د څلورو او پنځو بجو په شاوخوا کې د سیستان او بلوچستان له ولایته یوې تروریستي ډلې تښتولي دي.


ایرنا د کومې خاصې ډلې نوم نه دی اخیستی.