په پنجشېر کې په بېوزلو کورنیو د شیدو غواګانې ووېشل شوې
په پنجشېر ولایت کې د افغانستان د کرنې او مالدارۍ وزارت له خوا ۵۵ بېوزلو کورنیو ته د دوی د ژوند د بساینې او اقتصادي پیاوړتیا په هدف، د شیدو غواګانې ووېشل شوې.
د دغه وزارت ویاند اکبر رستمي نن یکشنبه ازادي راډيو ته وویل، دغه غواګانې د اقتصادي پراختیا ریاست او د خوړو د خوندیتوب د پروژې له خوا د پنجشېر په مرکز او ولسوالیو کې په اړو کورنیو ووېشل شوې.
د دې تر څنګ په دغو کورنیو د شیدو د لوېشلو وسایل هم وېشل شوي دي.
د غو کورنیو ته تر دې وړاندې د غواګانو د ساتنې په برخه کې درې ورځنۍ زده کړې هم ورکړل شوې وې.