د پاکستان سترې محکمې د پولیسو پر یوه پخواني افسر د اعدام ځنډولی
د پاکستان سترې محکمې د پولیسو پر یوه پخواني افسر د اعدام عملي کول د هغه د رواني ناروغۍ له امله ځنډولی دی.
دوه کسیز قضایي هیئت به د خضر حیات د ژوند ژغورلو لپاره پر هغې غوښتنې غور وکړي چې د هغه د مور له خوا دې محکمې ته وړاندې شوې ده.
حیات په ۲۰۰۳ کال کې په ډزو د یوه پولیس د وژل کېدو په جرم په اعدام محکوم شو چې وروسته د زندان د روغتیایي چارواکو له خوا په ۲۰۰۸ میلادي کال تشخیص شوه چې هغه په شیزو فرینې ناروغۍ اخته دی.
په پام کې وه چې نوموړی بل سبا د جنوري په ۱۵ اعدام شي.