دفاع وزارت: د پوځي عملیاتو په ترڅ کې ۵۶ وسلهوال وژل شوي
د افغانستان دفاع وزارت وايي چې په تېرو ۲۴ ساعتونو کې په بېلابېلو ولایتونو کې د پوځي عملیاتو په ترڅ کې ۵۶ وسلهوال وژل شوي، دېرش تنه ټپیان او دیارلس نور نیول شوي دي.
دفاع وزارت په یوه بیان کې چې نن سهار خپور شو ویلي دي چې دا حملې د لسګونه کومانډويي عملیاتو او هوايي حملو په ترڅ کې ترسره شوې دي.
په بیان کې راغلي دي چې دا عملیات د لغمان، ننګرهار، خوست، پکتیکا، غزني، ارزګان، بغلان او هلمند ولایتونو په اړوندو سیمو کې ترسره شوي دي.
وسله والو طالبانو په دې اړه څه نه دي ویلي.