په روسیه کې د ناروې یو وګړی په ۱۴ کاله بند محکوم شو
ناروېژۍ فورد برګ به پهداسې زندان کې وخت تېروي چې شدیده امنیتي څارنه یې کېږي.
فورد برګ د ۶۳ کلونو دی او د روسیې او ناروې د سرحدي څارونکي په توګه یې دنده ترسره کړې وه.
هغه د روسیې د امنیت فدرالي ادارې په ۲۰۱۷ میلادي کال کې ونیو.
پر فورد برګ تور لګېدلی و چې د روسیې د اټمي اوبتلونو په اړه یې د پټو معلوماتو د ترلاسه کولو هڅه کوله.
د روسیې محکمې هغه نن د اپرېل په ۱۶مه، د بندو دروازو شاته محاکمه کړ او مجرم یې وپېژاند.
فورد برګ د بې ګناهۍ ادعا کړې وه او د ناروې لپاره د جاسوسۍ تور یې رد کړی و.