په شمالي ایرلنډ یوه خبریاله وژل شوې ده
د شمالي ایرلنډ په لندندري ښار کې د تېرې شپې تاوتریخوالي له کبله یوه خبریاله وژل شوې ده.
پولیس واېي، د نوي ای آر اې په نوم یوې ناراضي ډلې باندې شک لري چې پر ۲۹ کلنې لیرا مککي یې ډزې کړي دي.
مککي د بلوا پر مهال په لنډرو ورز سیمه کې وه، هغه ځای کې پټرولي بمونه، خښتې او بوتلونه د پولیسو پر لور ویشتل کېدل.
دغې خبریالې په خپل وروستي ټویټ کې د پولیسو او بلواګرو ترمنځ نښته یو لیونتوب بللی وو.