Новости за 01.01.2022

د ماشومانو د ملاتړ لپاره د ملګرو ملتونو مرستندوی صندوق یا یونېسف وايي، د افغانانو په ځانګړي ډول ماشومانو لپاره ۲۰۲۱میلادي کال سخت کال و.  په افغانستان کې د دې ادارې د ارتباطاتو متخصص، سلام الجنابي، پرون ازادي راډیو ته وویل، د وروستیو میاشتو تحولاتو افغان ماشومان ډېر اغېزمن کړي: "د ۲۰۲۱میلادي کال د اګسټ میاشتې تر تحولاتو وروسته وضعیت ډېر خراب شو، ځکه کورنۍ ونه توانېدې چې د خپلو ماشومانو اساسي اړتیاوې هم پوره کړي. روغتیايي خدمات، د تغذیې او پوهنې چارې هم ګډې وډې شوې."  الجنابي ۲۰۲۲میلادي کال چې... Читать дальше...

د امریکا د متحدو ایالاتونو په کولورادو ایالت کې د اورلګېدنې له کبله چې توند بادونه یې مله وو، په سلګونو کورونه ویجاړ شوي دي.   راپورونه وايي، دغه اور به بولډر او جفرسن سیمو کې له تېرې پنج­شنبې روان دی چې پرون یې لمن پراخه شوه.   چارواکو ویلي چې په لسګونو کسان تر اوسه ټپیان شوي، خو د مړینو راپور نه دی ورکړل شوی.   امریکايي رسنیو راپور ورکړی چې په لسګونو زره کسان اړ شوي چې په کولورادو ایالت کې له خپلو اصلي مېنو کډه شي.   محلي پولیس وايي، توند بادونه او لوګي د تخلیې او ژغورنې عملیاتو د مخنیوي سبب شوي دي.

رلیف وېب رلیف وېب تر دې سرلیک لاندې لیکنه خپره کړې ده، «په نړۍ کې د ماشومانو د حقوقو تر پښو لاندې کېدل په زیاتېدو دي».  دا خپرونه دا خبره د ملګرو ملتونو د ماشومانو د ملاتړ ادارې یا یونېسف په وینا کوي. په دې لیکنه کې وړاندې راغلي چې یونېسف د ۲۰۲۱ کال په وروستۍ ورځ خبرداری ورکړ چې له افغانستانه تر یمنه، له سوریې د ایتوپیا تر شماله شخړو او ناکراریو، ماشومان له سختو ستونزو سره مخامخ کړي دي. رلیف وېب خپرونه لیکي، دا تأیید شوې ده چې له ۲۰۰۵ کال راپه دې خوا په افغانستان کې تر دوه نیم زره ډېر ماشومان وژل شوي دي. Читать дальше...

د کرونا وبا له کبله له لګول شوېو محدودیتونو سره- سره د نوي ۲۰۲۲میلادي کال پیل، د نړۍ په اکثرو هېوادونو کې ونمانځل شو.   په زیاتو ښارونو کې اورلوبې او د خلکو پراخې راټولېدنې منع کړای شوې وې.   بیا هم په ځینو ښارونو کې خلکو اورلوبې وکړې او په پراخو راټولېدنو سره یې د نوي کال پیل ونمانځه.   د اسټرالیا سیډني ښار چې په یوه ورځ یې په کرونا ویروس د خورا ډېرو کسانو د اخته کېدو پېښې ثبت کړې وې، د ۲۰۲۲میلادي کال د هرکلي لپاره په کې خلکو اورلوبې وکړې. د اروپا په اکثرو هېوادونو کې د نوي کال د نمانځې... Читать дальше...

په موزمبیق کې نږدې ۴۰۰۰ کسان مجبوره شوي چې د یوې میاشتې په موده کې د افراطي ډلو د حملو له کبله له خپلو مېنو بې ځایه شي.   دغه حملې په نیاسا ولایت کې زیاتې شوي چې د یوه حکومتي چارواکي په خبره د کابو دیلګادو څنګ ته پروت دی.  کابو دیلګادو چې په تېلو غني ولایت دی، په تېرو څلورو کلونو کې د افراطي وسله والو د فعالیت عمده مرکز ګڼل کېده، خو په وروستیو اوونیو کې افراطي وسله والو خپلې حملې پر نیاسا متمرکزې کړي. د موزمبیق په نیاسا کې د حکومت یوه ویاند فیلیس­مینو پاتریکیو د فرانسې خبري اژانس ته وویل، تر... Читать дальше...

د ارزګان ولایت د مرکز ترینکوټ مرکزي روغتون ته هره ورځ ځینې میندې او پلرونه خپل ماشومان چې ډېری یې په خوارځواکۍ اخته دي د درملنې لپاره راولي. د یوه ناروغ ماشوم پلار ازادي راډیو ته وویل: "ماشوم مې وږی دی. په کور کې د ماښام اوړه نه لرو. له خیرو کارېزه هره ورځ په پښو راځو، ماخوستن په پښو نه شو ولاړېدلی. د مرستې مواد نه راکوي، واسطه دارو ته ورکول کېږي. د کوچنیانو مسوولیت راترغاړې دی." د ترینکوټ په مرکزي روغتون کې هم د افغانستان د اکثرو نورو روغتیايي مرکزونو په څېر روغتیايي امکانات، د درملنې اسانتیا... Читать дальше...

د ۲۰۲۲م کال د پیل جشنونه د نړۍ په ځینو ښارونو کې ونمانځل شول، خو بیا هم محدودیتونه زیات وو. اسټرالیا او نیوزیلنډ د اسټرالیا سیډني او د نیوزیلنډ اکلنډ ښارونه تل تر نورو ښارونو د نوي کال پیل مخکې نمانخي چې سږکال یې هم تر زیاتو محدودیتونو لاندې دغه جشن ونمانځه. په سیډني ښار کې د نوي کال د پیل د مراسمو په درشل کې اسټرالیا پرون جمعه په کرونا ویروس د ډېرو کسانو د اخته کېدو پېښې ثبت کړې چې په ۲۴ ساعتونو کې تر ۳۲زره زیاتې وې. هانک کانګ هانګ کانګ په ځانګړو مراسمو او کنسرټ د نوي میلادي کال پیل ونمانځه. Читать дальше...