Новости за 16.01.2022

د طالبانو حکومت وايي، د دوی د بهرنیو چارو سرپرست وزیر په ترکمنستان کې د هغه هېواد له چارواکو سره پر دوه اړخیزو، سیاسي، ډپلوماټیکو، اقتصادي اړیکو، امنیتي همکاریو او اقتصادي پروژو خبرې وکړې. د امیرخان متقي په مشرۍ یوه پلاوي د جمعې په ورځ ترکمنستان ته سفر وکړ.  د طالبانو د حکومت یوه ویاند ذبیح الله مجاهد د جمعې په ورځ وویل چې دوی په افغانستان د ترکمنستان د اقتصادي پروژو لپاره زمینه برابروي او ملاتړ یې کوي.   د طالبانو حکومت تېره اوونۍ ویلي و چې د ترکمنستان د بهرنیو چارو وزارت معین وفا حاجییف په... Читать дальше...

د طالبانو له بیا ځلي واکمنېدو او له شپږم ټولګې پورته د نجونو پرمخ د ښوونځیو له تړل کېدو څه د پاڅه ۵ میاشتې تېرېږي، خو تازه د طالبانو حکومت هیله ښيي چې د نوي لمریز کال د پیل سره سم به، په ټول افغانستان کې د نجونو پر مخ تړلي ښوونځي بېرته پرانېستل شي. طالبان له دې امله له شپږم ټولګي پورته نجونو ته ښوونځیو ته د تګ اجازه نه ورکوي چې ګواکې نوې تګلاره ورته جوړوي، خو اوس یې د پوهنې وزارت چارواکي هیله ښيي چې د نوي ښوونیز کال تر پایه به دا طرحه بشپړه شي. د طالبانو د پوهنې وزارت د نشراتو او عامه اړیکو رییس عزیز احمد ریان ازادي راډیو ته وویل... Читать дальше...

د سیند صوبایي حکومت په کراچۍ کې د ښځو لپاره کور په کور د کورونا واکسین کېمپېن پیل کړی دی. پر دې مهال د روغتيا ښځینه کارکوونکي کور په کور ګرځي او هغه ښځې واکسينوي چې د څه نا څه وجوهاتو له کبله د کورونا واکسین مرکزونو ته نشي تلای. په دا وروستيو کې په کراچۍ کې د کورونا وایرس د نوې بڼې اوميکرون مثبتې پېښې هم مخې ته راغلي دي. په دې اړه رویټرز خبري اژانس ويډيويي راپور جوړ کړی چې فرخنده اسد پښتو کړی دی. ​ویډیو: رویټرز

په کندز ولایت کې په روان کال کې ۳۰ ټُنه شات تولید شوي او دغه راز په دغه ولایت کې د شاتو مچیو د پالنې او روزنې کار او بار هم د ودې په حال کې دی. د دې ولایت د کرنې، اوبو لګونې او مالدارۍ د ریاست طالب چارواکي وايي، دې ولایت کې څه باندې ۴۰۰ د شاتو مچیو فارمونه موجود دي او سلګونو کسانو ته په کې د کار زمېنه هم برابره شوې ده. د دغې ادارې رئیس مولوي امان الله حسن ازادي راډيو ته وویل: "روان کال کې د کندز ولایت په کچه ۳۰ زره کیلو شات تولید شوي، مجموعاً ۳۰ ټُنه کېږي. وخت نا وخت زموږ مسلکي کار کوونکي د مچیو... Читать дальше...

د افغانستان د فوټبال فدراسیون وايي، هڅه کوي څو د هغو لوبغاړو تشه ډکه کړي چې په وروستیو بدلونونو کې له هېواده بهر وتلي دي. د کندهار په احمد شاهي لوبغالي کې د فوټبال دا لوبې د افغانستان د اتلانو لیګ وروستي پړاو ته د لوبغاړو د ښې اماده ګۍ په هدف ترسره کېږي چې د ماشومانو او ځوانانو په ګډون سلګونه نندارچیان لري. دا واک ته د طالبانو له رسېدو وروسته په هېواد کې د زون په کچه د فوټبال لوبې لومړنۍ سیالۍ دي چې د یووالي نوم ورکول شوی دی. د څلورو زونونو څخه میوند اتلان، توپان هریرود، شاهین اسمايي او د... Читать дальше...

د طالبانو د حکومت ویاند وايي، هیله لري چې د نوي لمریزکال په پیل کې به په ټول افغانستان کې د نجونو ښوونځي پرانیستل شي.  ذبیح الله مجاهد له اسوشیټېډ پرېس خبري اژانس سره په مرکه کې ویلي چې د طالبانو حکومت د نجونو د زده کړو مخالف نه دی: "په ډېرو سیمو کې په پورته ټولګیو کې د نجونو زده کړې دوام لري، خو په ځینو سیمو کې د اقتصادي ستونزو او یا د لایحو له کبله چې باید عملي شي، ښوونځي بند دي. موږ په هغو سیمو کې چې ګڼه ګوڼه زیاته ده، کار ته اړتیا لرو." مجاهد همدا راز ویلي چې افغانستان په اوس وخت کې د بشري ځواک له کموالي سره مخامخ نه دی. Читать дальше...

د قزاقستان حکومت وايي چې د دغه هېواد په وروستیو اعتراضونو کې ۲۲۵ تنه وژل شوي چې د هغو په منځ کې ۱۹ امنیتي ځواکونه دي.  د قزاقستان وروستي اعتراضونه د روسیې د پوځي ځواکونو په مرسته وځپل شول او د قزاقستان حکومت ادعا وکړه چې دا اعتراضونه په بهر پورې د تړلیو وسله والو ډلو له لوري د تاوتریخوالي سبب شول.  په قزاقستان کې د ګازو د بیې د دوه برابره کېدو په اعتراض کې سوله ییزې مظاهرې پیل شوې خو ډېر ژر تاوتریخوالی په کې رامنځته شو.  د قزاقستان حکومت په دغو اعتراضونو کې وژل شوي مظاهره چیان ترهګر بللي دي.

د افغانستان کرکټ بورډ د هالنډ پر وړاندې د درېیو یو ورځنیو لوبو لپاره افغان لوبډله اعلان کړه. د بورډ په اعلامیه کې راغلي چې د جنوري له ۲۱مې پيلیدونکو درېیو یو ورځنیو لوبو لپاره غوراوي کمېټې اتلس لوبغاړي غوره کړل. د حشمت الله شهیدي په لوبډلمشرۍ دې لوبډله کې د وتلیو لوبغاړو راشد خان، مجیب الرحمن او ګلبدین په څېر څو ځوان لوبغاړي هم شامل شوي. په دې ډله کې د ریاض حسن، عظمت الله عمرزي، شاهدالله کمال او فضل الحق فاروقي نومونه د یادولو دي. دا لوبغاړي د قطر پلازمېنه دوحه کې له دوه اوونیو تمریني کمپ وروسته انتخاب شوي. Читать дальше...

د بښنې نړیوال سازمان وايي، طالبانو پرون شنبه (د مرغومي ۲۵مه) د ښځو پر وړاندې له تاوتریخوالي کار واخېست. د بښنې نړیوال سازمان د افغانستان د برخې کمپاینرې سمیرا حمیدي په ټویټر لیکلي چې طالبانو پرون د هغو ښځو په وړاندې له تاوتریخوالي کار واخیست چې مظاهرو ته وتلې وې. د "افغان ښځو د یووالي او پیوستون غورځنګ" مشرې زهرا محمدي پرون ماښام (شنبه، د جنوري ۱۵مه) ازادي راډیو ته وویل: "پرونۍ مظاهره د هرات د ښځینه و د زندان د مدیرې عالیې د خوشې کولو په خاطر پلان شوې وه چې له څلورو میاشتو راهیسې لادرکه ده او... Читать дальше...

د ځینو راپورونو له مخې، د طالبانو له واکمنۍ وروسته افغانستان ته د پاکستان صادرات په سلو کې ۲۵ کم شوي دي. د ننګرهار د سوداګرو د ملي اتحادیې مشر او د دغه ولایت د سوداګرۍ او پانګونې د خونې د مدیره پلاوي غړي زلمي عظیمي ازادي راډیو ته د سوداګرۍ د کمښت یو لامل دا یاد کړ: "پخوا به کلدارې د صرافانو له طریقه د سوداګرو حسابونو ته لېږل کېدې او هغوی به زموږ مالونه رالېږل. خو اوس حوالې بندې شوي، پيسې مو استولي مګر مالونه مو پاکستان کې ایسار دي، ځکه پاکستان د پیسو له نړیوال صندوقه ډېر پوروړی دی او ټوله سوداګري یې په هماغه پورې تړلې. Читать дальше...

ټوېټر شبکې د ایران د رهبر ایت الله علي خامنه اي یو حساب د تل لپاره ور وتاړه. دا اقدام وروسته له هغه وشو چې د خامنه اي له ټوېټره د امریکا د پخواني ولسمشر ډونالډ ټرمپ د وژنې په تړاو یو انیمیشن خپور شو. د ټوېټر چارواکو ویلي، د علي خامنه اي په نوم حساب یې د ځینو بندیزونو د سرغړونې په خاطر بند کړ. د ایران د رهبر خبري مرکزي د ایران د سپاه پاسداران د قدس ځواکونو د وژل شوي قوماندان قاسم سلیماني د تلین په مناسبت یو انیمشین خپور کړ چې په کې د ډونالډ ټرمپ د فلورېډا هستوګنځی په ډرون ویشتل کېږي. قاسم... Читать дальше...

په جنوبي پاسفیک سمندرګي کې تر اوبو لاندې یوه اورشیند/آتش فشان چاودنې له امله سمندري توپان یا سونامي رامنځته شوې. د اورغورځونې پېښه د ټونګا ټاپو ته نږدې رامنځته شوې چې له امله یې د دې ټاپو ساحلو ته اوبه یو متر پورته شوي او خلک له خپلو هستوګنځایونو په تېښه دي. د سمندري توپان ګواښونه ان د امریکا کالیفورنیا ایالت ته هم رسېدلي. په امریکا کې مېشت د پاسفیک سمندر د سونامي/سمندري توپان د څار مرکز ویلي چې د امریکا ساماوو ټاپوګانې هم چې د اورشیند له مرکزه زر کیلومتره لېرې دي د اوبو څپو ځپلي دي. په پاسفیک... Читать дальше...

افغانستان ته د پاکستان له لوري د مسلکي کار کوونکو د استولو وړاندیز ته د جدي او تُندو غبرګونو لړۍ دوام لري. ګڼو افغان سیاستوالو له هغې ډلې پخواني ولسمشر حامدکرزي لیکلي چې پاکستاني کار کوونکو ته هېڅ ډول اړتیا نه لېدل کېږي. کرزي په خپل ټوېټر باندې په یو لړ بیانونو کې زیاته کړې: "افغانستان لکونه تعلیم یافته نجونې او هلکان لري چې افغانستان او بهر یې لوړې زده کړې کړي او هېواد ته د کاري قوې د راتلو هېڅ اړتیا نه لېدل کېږي." کرزي د طالبانو له حکومت هم غوښتي چې افغان ځوانان په دندو وګماري او د دې زمینه... Читать дальше...

د اروپایي هېوادونو او ایران مذاکره کوونکي بېرته خپلو هېوادونو ته د مشورې لپاره ستانه شوي ځکه چې د چارواکو په وینا د ۲۰۱۵م زیږدیز کال اټمي تړون د بیا ژوندي کولو په هدف خبرې اترې یوه مهم پړاو ته رسیدلي. د ایران دولتي خبري اژانس ایرنا پرون (شنبه د جنورۍ ۱۵مه) وویل چې مذاکره کوونکي به په دوو ورځو کې د اتریش پلازمېنې ویانا ته راستانه شي، خو د ایرنا په خبره د کارپوهانو بحثونه به د اوونۍ تر پایه دوام وکړي. د ایران د بهرنیو چارو وزارت ویاند سعید خطیب زاده د ۲۰۱۵ کال اټمي تړون د بیا احیا لپاره په خبرو... Читать дальше...

انډیا بلومز   د هند انلاین خپرونې انډیا بلومز په دې اړه لیکنه خپره کړې چې د پاکستان مرکزي بانک د افغانستان لپاره د مرستندوی صندوق د ایجاد د طرحې له تصویب ډډه کړې ده.   خپرونې د راپورونو په حواله لیکلي چې د تحریک انصاف په مشرۍ د پاکستان حکومت په پام کې درلودل، داسې یو بانکي حساب پرانیزي چې په مرسته یې له پاکستان او بهره ترلاسه کېدونکې پیسې وراضافه شي او بیا له دغو پیسو د افغانانو د لاسنیوي او د هغوی د بیړني بشري اړتیاوو پوره کولو لپاره وکارول شي. د انډیا بلومز خپرونې د لیکنې په دوام راغلي، د... Читать дальше...

فضل حق چې د ډیورنډ کرښې په اوږدو کې د کونړ ولایت په ناړۍ ولسوالۍ کې ژوند کوي وايي، درې وړاندې د پاکستانیانو له خوا پر ډیورنډ کرښه د اغزن تار غځولو له امله د هغه نیمه کورنۍ اوس د کرښې هاغاړه پاتې ده چې په ټکو یې له درې کلونو زیاته موده وشوه چې خپل دوه وروڼه او نهه وریرونه یې نه دي لیدلي. فضل حق زیاتوي، اوس د پاسپورټ د اخیستو او د پاکستان د ویزې د ترلاسه کولو توان نه لري چې پاکستان ته د خپلې کورنۍ لیدو ته ورشي. فضل حق وايي، پاکستانیانو هغه ځمکې لاندې کړي چې د افغانستان وې: "زما نیمايي کورنۍ د کرښې هاخوا ده. Читать дальше...