Новости за 06.03.2022

د سیاسي چارو شنونکی او د پوهنتون استاد سید باقر محسني چې د طالبانو یو منتقد ګڼل کېده د جمعې له ماسپيښين راهیسې لادرکه دی. د طالبانو حکومت د هغه د ځای او سلامتۍ په اړه پوښتنې نه ځوابوي. د ښاغلي محسني د کورنۍ غړو او خپلوانو رسنیو ته ویلي چې د جمعې له ماسپيښينه لادرکه دی او هېڅ معلومات یې هم نه کېږي. له دې مخکې هم ګڼ سیاسي فعالان او د ښځو د حقونو مخکښې په کابل کې لادرکه شوې وې چې له څو اوونیو زندان وروسته بالاخره ځینې یې د طالبانو له زندانونو خوشې شوې. په دې ډله کې تمنا زریاب پریاني، پروانه... Читать дальше...

د پېښور په یوه جومات کې د مارچ پر څلورمه تر سره شوي ځانمرګي برید کې د وژل شویو کسانو شمېره لږ تر لږه ۶۲ ته رسېدلې ده. دا ځانمرګې حمله له قصه خوانۍ بازار سره نېږدې په کوچه رسالدار کې د اهل تشیع په جومات کې د جمعې د لمانځه پر مهال شوې وه. د پېښور د لیډي ریډنګ روغتون ویاند محمد عاصم پرون د ازادي راډیو ته تائید کړه چې د مړو شمېر د شنبې په ورځ ۶۲ ته رسېدلی او ۲۰۰ تنه نور ټپيان دي. عاصم زیاته کړه چې د ۳۷ ټپیانو حال ښه نه دی. اسوشیتید پرېس راپور ورکړی چې داعش یا اسلامي دولت ډلې تر برید یوه ورځ وروسته... Читать дальше...

د قطر د صدراعظم مرستیال او د بهرنیو چارو وزیر محمد بن عبدالرحمن ال ثاني د ملګرو ملتونو له سرمنشي انتونیو ګوتیرېش سره پر افغانستان او ځینو نورو هېوادونو خبرې کړي. دا خبره د قطر د بهرنیو چارو وزارت په یوه اعلامیه کې کړې. د اعلامیې له مخې دواړو لوریو په دې ټيلیفوني خبرو کې د افغانستان، یمن او لیبیا پر وروستیو حالاتو بحث وکړ. دوی د یادو سیمو د سولې او پرمختګ په تړاو هم د قطر پر هڅو بحث کړی. قطر لا هم د طالبانو د سیاسي دفتر کوربه دی او د افغانستان اړوند څو لویدیځ سفارتونه د کابل پر ځای له دوحې خپل کارونه مخته وړي.

نن پر اوکراین د روسیې د یرغل یوولسمه ورځ ده. د راپورونو له مخې جګړه له پلازمېنې کیف بهر روانه ده او اوکرایني چارواکو ویلي چې له هوايي ملاتړ برخمن روسي پوځیان درنې بمبارۍ هم کوي. هاخوا د اوکراین دویم لوی ښار خارکېف د روسي پوځيانو له خوا کلابند شوی دی. د اوکرایین ولسمشر ولادمیر زیلینسکي بیا په یوه ویډیويي پیغام کې ویلي چې دی او لوړپوړي حکومتی چارواکي په کېف کې دي او مبارزې ته دوام ورکوي. د وروستیو راپورونو په اساس اوکرایني ځواکونو د روسیې یوه جټ الوتکه نسکوره کړې او پیلوټ یې چې ټپی دی نیولی دی. Читать дальше...

هند هوډ لري چې همدا مارچ میاشت د افغانانو د لاسنیوي لپاره د بشري مرستې په توګه ۸ زره ټنه غنم افغانستان ته ولېږي. دا غنم د هغو ۵۰ زره ټنه غنمو په ډله کې دي چې هند یې له افغانستان سره د مرستې ژمنه کړې ده. د هندي چارواکو په حواله باندې د شنبې په ورځ رویټرز اژانس راپور ورکړی چې هېواد یې له افغانانو سره چې د طالبانو له بیا واکمنېدو راهیسې له لا زیاتې بې وزلۍ او لوږې سره مخ دي دا غنم مرسته کوي. د هندوستان دا هم د پاکستان له لارې افغانستان ته رسیږي. لومړۍ جوپه یې د فبروري په ۲۶ جلال اباد ته ورسېده چې دوه زره ټنه وه. Читать дальше...

په پولنډ کې د افغانستان د سفارت چارواکي وايي د اوکراین په جګړه کې د ایسارو افغانانو د را ایستلو هڅې لا هم په چټکۍ روانې دي. د سفارت سیاسي مستشارې یا مرستیالې نګاره عمر میرداد شنبه ماښام ازادي راډیو ته وویل ګڼو هغو افغانانو ته یې د سفر اسناد ورلېږلي چې په اوکراین کې ایسار پاتې دي. اغلې میرداد وایي:" موږ هغو افغانانو ته چې په اوکراین کې ایسار پاتې دي او اکثر یې پاسپورټ نه لري یا یې پاسپورټونه په سفارتخانو یا د کډوالۍ په دفترو کې بند پاتې دي د تذکرې یا پخوانیو پاسپورټونو د کاپي په اساس د سفر اسناد... Читать дальше...

د افغانستان د هوا پېژندنې ادارې ویلي د پلازمېنې کابل په شمول په ۲۷ ولایتونو کې د درنو واورو، بارانونو او د سیلابونو د راوتلو اټکل شوی دی. د دې ادارې د هوا د حالاتو د وړاندوینې مسؤل نسیم مرادي په دې اړه ازادي راډيو ته وویل:" په دغو لاندې ولایتونو کې د واورې اورېدو، نسبتاً سختو بارانونو او سیلابونو د راوتلو احتمال شته. هرات، بادغیس، فاریاب، جوزجان، سمنګان، سرپل، غور، اروزګان، کابل، دایکندي، غزني، بامیان، میدان وردګ، لوګر، پکتیا، خوست، پروان، کاپیسا، بغلان، پنجشیر، ننګرهار، نورستان، کنړ، تخار، بدخشان... Читать дальше...

د دروېش رسولي په شپږیزې باندې افغانستان د بنګله دېش په وړاندې دویمه او وروستۍ شل اوریزه لوبه وګټله. په دې لوبه کې چې په میرپور کې وشوه افغان لوبډلې لومړی بالنګ وکړ. بنګله دېش په شلو اورونو کې یوازې ۱۱۵ منډې وکړای شوې.  افغان ټيم د بنګله دېش په وړاندې په پرونۍ لوبه کې یوازې دوه ویکټې له لاسه ورکړې او لوبه یې د اتو ویکټو او ۱۴ بالونو په توپیر وګټله. د افغان ټيم لپاره په بالنګ کې عظمت الله عمرزي او فضل الحق فاروقی دری دری ویکټې واخیستې او راشد خان او محمد نبي یوه یوه ویکټه ترلاسه کړه. فضل... Читать дальше...

د طالبانو د حکومت د کورنیو چارو وزارت سرپرست او د حقاني شبکې مشر سراج الدین حقاني پرون شنبې(د کب ۱۴مه) په لومړي ځل خپله څېره ښکاره کړه.  دې موضوع د ګڼو لوېدیځو ورځپاڼو او رسنیو پام ځان ته اړولی دی ځکه چې نوموړی د امریکا او ملګرو ملتونو په تور لېست کې دی او پر سر یې جایزه ټاکل شوې ده.  ډیجیټل ژورنال ډیجټل ژورنال د ډېوېډ فاکس او ایمانویل پیوچاټ په قلم په یوه لیکنه کې سراج الدین حقاني د طالبانو په منځ کې تر ټولو پټ او مرموز مشر بللی چې د امریکا له لوري د مطلوبو کسانو د لېست په سر کې دی.   له... Читать дальше...