Новости за 08.06.2022

دا خبر پرون یوې غیر حکومتي ټولنې ورکړی او دا په داسې حال کې ده چې د ایران په اسلامي جمهوریت کې د اعدامونو د شمېر له کبله اندېښنې په زیاتېدو دي. د ایران د بشري حقونو ټولنه چې مرکز یې په ناروې کې دی په یوه بیان کې وايي، یوولس نارینه او یوه مېرمن چې د قتل او مخدرو موادو په اړوندو مواردو مجرم پېژندل شوي، د دوشنبې په ورځ د سیستان بلوچستان ولایت د زاهدان ښار په محبس کې اعدام شوي. ویل کېږي چې ټول اعدام شوي کسان سني مذهبه او د بلوڅ اقلیت اړوند کسان دي. د ایران هېڅ یوې کورنۍ رسنۍ د دې اعدامونو خبر نه... Читать дальше...

واشنګټن پوست: واشنګټن پوست ورځپاڼې د افغانستان د بیا رغونې لپاره د امریکا د حکومت د سرمفتش دفتر- سیګار هغه راپور ته کتنه کړې چې د تېر حکومت پر چارواکو د لسګونه میلیون ډالرو د غلا تورونه یې ناسم بللي دي. پر افغانستان د طالبانو له ناڅاپي واکمنېدو وروسته داسې راپورونه خپاره شول چې ګنې پخواني ولسمشر اشرف غني او همکارانو یې د بیت المال ۱۶۹ میلیون ډالر په هلیکوپټرو کې وړې دي. ورځپاڼه لیکي چې دې خبر له هېواده د وتلو په خاطر د ښاغلي غني پر وړاندې د خلکو غوسه نوره هم وپاروله. ډېری څارونکي له هېواده... Читать дальше...

د جرمني د بهرنیو چارو وزیرې اننا بایربوک پرون وروسته له هغې د پاکستان رسمي سفر نیمګړی پای ته ورساوه چې د کویډ - ۱۹ آزموینه یې مثبته اعلان شوه. د پاکستان د بهرنیو چارو وزیر بلاول بهوټو زرداري او نورو چارواکو چې له نوموړې سره یې کتلي، خپل ځانونه په کور کې منزوي کړي دي. د جرمني د بهرنیو چارو وزرات وویل، بایربوک وروسته له هغې د کورونا آزموینه وکړه چې د غرمې د ډوډی په مهال یې د خولې مزه ورکه شوې وه. دې وزارت وویل چې د بایربوک ټولې پلان شوې لیدنې کتنې لغوه شوي خو په دې اړه چې ایا هغه بېرته جرمني ته ستنه شوې که څنګه، نور جزیات نه‌دي ورکړي. Читать дальше...

د یونان د استیناف یوې محکمې پرون دوشنبې هغه دوه افغانان چې په لسبوس ټاپو کې د کډوالو یوه کمپ ته په اور اچولو تورن شوي و، هر یو په څلورو کلونو بند محکوم کړل. د دغو افغان کډوالو نومونه نه‌دي په ډاګه شوي خو عمرونه یې اتلس کاله ښودل شوي. د ۲۰۲۰ کال په سپټمبر کې چې د لسبوس په ټاپو کې د موریا کمپ د اور په نتیجه کې په ایرو بدل شو، د دغو په بند محکوم شویو افغان کډوالو عمرونه له اتلسو څخه ټیټ و. لومړنۍ محکمې دواړو ته د پنځو، پنځو کلونو سزاوې اورولې وې خو د استیناف محکمې پرون وویل چې یوکال بند یې د دوې د ښه چلند په خاطر کم کړی دی. Читать дальше...

د افغانستان لپاره د ملګرو ملتونو د پراختیایي ادارې یو ان ډي پي یوه پلاوي د کویټ فنډ Kuwait Fund له مشر سره په افغانستان کې له بې وزلو خلکو سره د مرستو پر لارو چارو خبرې وکړې. یوان ډي پي پرون په یوه ټویټ کې ولیکل چې د افغانستان لپاره د ملګرو ملتونو د پراختیایي ادارې د مشرعبدالله دارداري په مشرۍ پلاوي د کویټ فنډ یا د کویټ صندوق له ریس او غړیو سره یې کتنه کړې. ټوېټ کې راغلي، په دې کتنه کې د افغانستان له خلکو سره چې له مخ په زیاتیدونکي فقر او بېوزلۍ سره مخامخ دي، د مرستو په برخه کې د یوه شراکت د... Читать дальше...

له افغان شخصیتونو سره د تماس لپاره د طالبانو د حکومت د کمېسیون چارواکي وایي، د هغو افغانانو له تجربو به چې د دې کمېسیون د هڅو په ترڅ کې بېرته هېواد ته ستنېږي، ګټه واخیستل شي. دا خبره د دې کمېسیون ویاند احمدالله وثیق تېر ماښام ازادي راډیو ته وکړه او ویې ویل: "هغه کسان چې اوس راځي، د دوی لیاقت او اهلیت او ژمنتیا ته په کتو، د هغوی له استعدادونو به هم استفاده کېږي." ښاغلي وثیق دا خبره وروسته له هغې کوي چې دې کمېسیون پرون د دغې لړۍ په ترڅ کې بېرته هېواد ته د افغانستان د برېښنا شرکت د پخواني ریس امان الله غالب د ستنېدو خبر ورکړ. Читать дальше...

د طالبانو د استخباراتو ادارې د یوې ویډیو په خپرولو سره د یوټیوب د مشهور کارونکي اجمل حقیقي او د هغه د همکارانو د نیولو خبر ورکړی او ویلي یې دي چې دوی مقدساتو ته سپکاوی کړی دی. په دغه ویډو کې چې دغې ادرې پرون سې شنبې خپره کړې، پکې ښکاري چې د اجمل حقیقي او د دوه مکارانو لاسونه زولانه دي او د کمرې د دوربین مخې ته ولاړ دي. په دې ویډیو کې ښاغلی حقیقي اعتراف کوي چې په ویډیوګانو کې یې د اسلام مقدساتو ته سپکاوی شوی او له دې امله له طالبانو او د افغانستان له خلکو بخښنه غواړي. خو تر اوسه دا نه‌ده څرګنده چې دغه ویډیو په څه ډول شرایطو کې ثبت شوې ده. Читать дальше...

وروسته له هغې چې د طالبانو د پوهنې وزارت د هېواد په شلو ولایتونو کې د له اوو زره زیاتو نویو ښوونکو او نورو اداري کارکونکو د ګمارلو لپاره پوستونه د ازادې سیالۍ له لارې اعلان کړل، د دې وزارت یوه چارواکي وویل چې په دې ولایتونو کې سخت د ښځینه ښوونکو له کمي سره مخامخ دي. دغه چارواکي چې نه یې غوښتل د موضوع د حساسیت له امله یې نوم واخیستل شي، تېر ماښام ازادي راډیو ته وویل، هیله من دي چې د نژدې ۲۱۰۰ نویو ښځینه ښوونکو په ګومارلو سره به دغه تشه تر ډېره ډکه شي. د پوهنې وزارت د ښځینه ښوونکو په ګډون د په... Читать дальше...

د روسیې د بهرنیو چارو وزیر سرګې لاوروف په ترکیه کې دی او د دې هېواد له چارواکو سره پر دې خبرې کوي چې په څه ډول کېدای شي د اوکراین د غلو صادرات بېرته پیل شي. ترکیې په دې برخه کې ځینې وړاندیزونه کړي دي. د روسیې د بهرنیو چارو وزیر سرګې لاوروف ترکیې ته په سفر کې د اوکراین د غلو د صادراتو په وړاندې پر موجوده خنډونو خبرې کوي. له ترکي چارواکو سره د ښاغلي لاوروف د خبرو یوه مهمه موضوع پردې څرخي چې د اوکراین د غلو د صادراتو لپاره دې د کشتیو یو خوندي دهلیز پرانيستل شي. ترکیې وړاندیز کړی چې د تور سمندرګي... Читать дальше...

د افغانستان د فوتبال فدراسیون هیله من دی چې د فوتبال ملي ټیم به یې نننۍ لوبه چې له هانګ کانګ سره یې کوي، وګټي. دغه لوبه د آسیایي ملتونو جام لوبو ته د لار موندنې په ترڅ کې د هند د کلکتې ښار په یوه سټډیوم کې ترسره کېږي. دا لوبه د اسیا ملتونو جام سیالیو ته د لار موندلو په ترڅ کې ترسره کېږي. د افغانستان د فوټبال فدراسیون نننۍ لوبه مهمه بولي او هیله ښیي چې دغه لوبه به افغان لوبغاړي وګټي. دغه لوبه نن د کابل په وخت د مازدیګر په ۴ بجو د هند د کلکتې ښار د سالت لیک په سټډیوم کې ترسره کېږي. د افغانستان... Читать дальше...

د افغانستان لپاره د امریکا ځانګړی استازی ټام ویسټ وایي، نړیوال غواړي وویني چې ایا طالبان د بشري حقونو په ګډون په ځینو برخو کې کړې ژمنې عملي کوي که نه. په عین حال کې د جرمني د بهرنیو چارو وزیرې اننا بایربوک یوځل بیا پر طالبانو غږ وکړ چې د بشري حونو درناوی وکړي. بشري حقونو ته د درناوي او له ترهګرۍ سره د مبارزې په ګډون په ځینو برخو کې د طالبانو له حکومته د نړیوالو د مخ په زیاتېدونکو غوښتنو په ترڅ کې د افغانستان لپاره د امریکا ځانګړي استازي او د جرمني د بهرنیو چارو وزیرې پرون ورته غوښتنې یو ځل بیا مطرح کړې. Читать дальше...