د کراچۍ پوليسو سي ټي ډي تر اوسه د دې ادعاوو او د لادرکه بلوڅانو په اړه څه نه دې ويلي. په تېرو وختونو کې پولیسو د خلکو تر غيبېدو وروسته د نامعلومو کسانو پر ضد مقدمې درج کړي خو د ډېرو یې څه نتيجه نه ده راوتلې.
د خزانې وزير مفتاح اسماعيل د جون پر ۱۷مه په اسلام اباد کې په يوه خبري غونډه کې وويل چې د عمران خان حکومت د پيسو له نړيوال صندوق (ای اېم اېف) څخه د قرض اخیستو لپاره يوه داسې لوظنامه کړې چې اوسنی حکومت مجبور دی چې عملی یې کړي.
ټاکل شوې، د اروپايي ټولنې د بهرنیو چارو وزیران د اوکراین د ملیونونو ټنو غله دانو د خوشې کېدو پر لارو چارو بحث وکړي. دغه غله جات د روسي ځواکونو له خوا د تور سمندرګي د بندرونو د تړلو له کبله راګیر پاتې دي. د اروپايي ټولنې د بهرنیو چارو وزیران نن په لوکزامبورګ کې پر دې موضوع خبرې کوي. د دغو غله جاتو، چې اندازه یې تر ۲۰ ملیونو ټنو زیاته ښوولې شوې، د بندېدو له کبله په ځانګړي ډول په افریقا او منځني ختیځ کې د عرضې د کمېدو په اړه اندېښنې ولاړې کړې وې.
د طالبانو امنیه قومانداني وايي، تېر ماښام په کابل کې یوې چاودنې دوه کسان وژلي دي. د دې قوماندانۍ ویاند خالد ځدراڼ بېګاه پر خپل ټویټر لیکلي، په یوه کرولا ډوله موټر کې چاودنه په خواجه بغرا سیمه کې شوې چې په موټر کې ناست دوه کسان وژل شوي. خو ځینو عیني شاهدانو محلي رسنیو ته ویلي چې په دې پېښه کې ۴ کسان وژل شوي دي. د دې پېښې مسوولیت تر اوسه چا نه دی منلی. تېره شنبه د کابل په کارته پروان کې د سکانو پر ګوردواره ډله ییزه حمله کې د طالبانو په خبره ۲ تنه وژل شوي او ۷ نور ټپیان شوي وو، د هغې حملې مسوولیت د اسلامي دولت ډلې یا داعش منلی دی.
نن د جون ۲۰ د کډوالو نړیواله ورځ ده. دا ورځ په افغانستان کې په داسې حال کې رارسېدلې چې ډېری اوسېدونکي یې د وروستیو سیاسي بدلونونو له امله بېلابېلو هېوادونو ته کډوال شوي او ځینې نور چې په هېواد کې دي په دې هڅه کې دي چې له قانوني او ناقانونه لارو خپل کورونه، استوګنځایونه پرېږدي او نورو هېوادونو ته کډوال شي. عبدالکریم نوري ۵۰ کلن او د کابل ښار اوسېدونکی دی. دی پر افغانستان د طالبانو له بیاځلي واکمنېدو وروسته له ښوونځیو د دوو لورګانو د محروم پاتې کېدو له امله چې د لسم او اتم ټولګیو زده کوونکې دي، له افغانستانه وتلو ته اړ شوی دی. Читать дальше...
نن د جون ۲۰مه د کډوالۍ نړيواله ورځ داسې مهال نمانځل کېږي چې، د طالبانو له بيا واکمنېدو وروسته افغانستان کې د کډوالۍ بهير لا پسې چټک شوی دی. د جون ۲۰مه د ملګرو ملتونو له خوا د کډوالو د درناوي لپاره په دې نوم یاده شوې. افغانستان یو له هغو هېوادونو دی چې میلیونونه اتباع یې جنګ جګړو او اقتصادي ستونزو کډوالۍ ته اړ کړي. د طالبانو له بیا واکمنېدو راهیسې بهر ته د افغانانو د کډوالۍ بهیر لا پسې چټک شو. دمګړۍ زرګونو افغانان چې د طالبانو له واکمنۍ وروسته په البانیا، ابوظبي، قطر او پاکستان کې کمپونو ته کډه شوي وايي چې برخلیک یې معلوم نه دی. Читать дальше...
دغه کارکوونکي وايې له تېرو اتو میاشتو راهیسې معاشات نهدي ورکول شوي چې له امله يې له سختو اقتصادي ستونزو سره مخ وو. د طالبانو د ټرانسپورټ وزارت مسوولان د احمدشاه بابا هوايي ډګر د کارکوونکو استعفا تاییدوي خو وايي چې د مستعفي شویو شمېر ۱۵ تنه دی چې د صفايي او په یو شمېر نورو برخو کې يې کار کاوه. د احمدشاه بابا د هوايي ډګر لسګونه کارکوونکي داسې مهال استعفاوې کوي چې د طالبانو حکومت د لویو هوايي ډګرونو د چارو د مخته وړلو تړونونه د متحده عربي اماراتو له یوې کمپنۍ سره کړی.
د افغانستان د بشري حقونو او ښځو په چارو کې د امریکا ځانګړې استازې رینا امیري د اروپايي ټولنې سفیر وون برنټ سره کتلي. سفیر وون برنټ د دې لیدنې په اړه چې په دوحه کې شوې په خپل ټوېټر لنډ بیان ورکړی. هغه ویلي له اغلې امیري سره یې په دې باندې ګډ تفاهم درلود چې په افغانستان کې کثرت ګرایي یا څو رنګۍ او د ټولو افغانانو د استازولۍ په برخه کې لا ډېر مشارکت ته اړتیا ده. لویدیځ له طالبانو غواړي چې په خپل حکومت کې ټولو افغانانو ته ځای ورکړي او د ښځو د حقونو د تامین تر څنګ ټول هغه ارزښتونه ومني چې په تېرو شلو کلونو کې ترلاسه شوي.
ټيليګراف: ټیلیګراف ورځپاڼې په کابل کې د شنبې د ورځې برید ته پام کړی او په یوه مقاله کې یې لیکلي، چې د افغان سېکانو وروستۍ ډله په نښه شوې ده. په دې پېښه کې د ګوردواره د یوه سېک ساتونکي په ګډون دوه کسان وژل شوي او اووه نور ټپیان شوي دي. د شنبې په سهار (د جون په ۱۸ مه) څو تنه وسله وال د کابل په کارته پروان ولسوالۍ کې د سېکانو عبادتځای ته له یوه ځانمرګي بریدګر سره ننوتل او لاسي بم یې ور وغورځاوه. د اسلامي دولت سخت دريځې ډلې خراسان څانګې چې د داعش په نامه يادېږي، د پېښې پړه پر غاړه اخيستې ده.... Читать дальше...
د ازبکستان د ملي امنیت سلاکار عبدالعزیز کاملوف د طالبانو د حکومت له لوړپوړو چارواکو سره کتلي. نوموړي په جولای میاشت کې د تاشکند په کوربه توب د افغانستان په اړه د یوې نړیوالې غونډې د جوړېدو اعلان هم کړی دی. د ازبکستان د ملي امنیت سلاکار عبدالعزیز کامیلوف وايي، د طالبانو له حکومت سره د اړیکو د نوي باب په پیلیدو سره د افغانستان د اقتصادي سیسټم د بیارغونې او پیاوړتیا په برخه کې ګډو خبرو ته لاره هواره شوې. کاملوف چې پخوا د ازبکستان د بهرنیو چارو وزیر و، دمګړۍ د ملي امنیت د سلاکارۍ تر څنګ د بهرنۍ پالیسۍ لپاره د ولسمشر ځانګړی استازی هم دی. Читать дальше...
د برېټانیا حکومت ویلي، د افغان اتباعو په شمول د هېچا ملاتړ نه کوي چې غواړي د تاوتريخوالي له لارې په افغانستان کې سياسي بدلون راولي. برېټانیا ویلي د افغان اتباعو په شمول د هېڅ هغه کس ملاتړ نه کوي چې غواړي د جنګونو له لارې سیاسي بدلون راولي او نه د برېټانیا په خاوره کې دننه د افغانستان لپاره د دغسو هڅو د پلان او ترتیب اجازه ورکوي. په دوحه کې مېشت د افغانستان لپاره د بریټانیا د شارژدافیر هوګو شارتر په حواله دا بیان پرون ناوخته د برېټانیا حکومت په خپله رسمي ویب پاڼه خپور کړی دی. د بیان په دوو لاندنیو... Читать дальше...
د کابل په کارته پروان ګوردوارې باندې وړمه ورځ له ترهګریز برید وروسته د هند د کورنیو چارو وزارت څه باندې سلو افغان سیکانو او هندوانو ته بېړنۍ ویزې منظورې کړي. د هند حکومت هغه ځنډنۍ ویزې منظورې کړي چې افغان سیکانو او هندوانو له میاشتو میاشتو ورته انتظار ایست. د طالبانو له واکمنېدو راهیسې په افغانستان کې د پاتې سیکانو او هندوانو شمېر یوازې ۱۵۹ نفرو ته رسیږي. د هند له حکومت سره د افغان سیکانو او هندوانو د یوه رابط سازمان انډین ورلډ فورم مشر پنیټ سینګ چنډو په خپل ټوېټر لیکلي چې د هند حکومت په افغانستان... Читать дальше...
د اوکرایین پوځ وايي، روسي ځواکونو خپلې ډېرې هڅې د سېوېرودونېڅک او باخموت پر نیولو متمرکزې کړې دي. دې پوځې ادارې یکشنبه ویلي چې روسیه هڅه کوي د اوکراین په ختیځ کې بشپړ کنټرول ترلاسه کړي. له دې څرګندونو څو ساعته وروسته د روسیې د تاس خبري اژانس د روسیې د دفاع وزارت په حواله وویل چې روسي ځواکونو د سېوېرودونېڅک په جنوب ختیځ کې د یوه ښار کنټرول نیولی دی. د اوکراین دفاع وزارت وايي، روسیې په سیمه کې نسبي بریاوې ترلاسه کړې دي. خو د لوهانسک پوځي والي سيري هايدي د اوکراين په ټلوېزيون کې وويل د روسانو هغه ادعا چې سېوېرودونېڅک يې نيولی، ناسمه ده. Читать дальше...
