Новости за 11.07.2022

په بلوچستان او سيند کې چارواکي وايي کوښښ کوي بېلابېلو سيمو ته تر هغه وروسته مرستې ورسوي چې دغلته د پشکال بارانونو او سیلابونو ګڼ خلک ووژل.  په بلوچستان کې د قدرتي افتونو د نظم ادارې (پي ډي اېم اې) د جولای په يوولسمه رسنيو ته په لېږلې خبرپاڼه کې ويلي چې د صوبې په بېلابېلو برخو کې د بارانونو او سیلابونو له امله کورونه نړيدلي چې له وجې یې ۶۰ کسان وژل شوي دي. همداراز خوا او شا ۷۰۰ کورونه يا په جزوي او يا هم په بشپړ ډول وران شوي دي.  تر ټولو ډير زیان په کوټه او پشين کې اوښتی دی. د تېرې جمعې په ورځ... Читать дальше...

روسیه وايي، د نورډ سټریم 1 پایپ لاین د ترمیم په هدف به د لسو ورځو لپاره جرمني ته د طبیعي ګازو لیږد وځنډوي. خو په جرمني کې یو شمېر کسان اندېښنه لري چې کرملین به د دې بندیز د غځولو لپاره یو دلیل ولټوي چې د روسیې د یرغل پر مهال د اوکراین د ملاتړ په خاطر جرمني ته سزا ورکړي. روسیې د طبیعي ګازو د لېږد ځنډولو اعلان وروسته له هغه وکړ چې د کاناډا حکومت د جولای په لسمه وویل چې دوی به د نورډ سټریم ګازو پايپلاین تر ترمیمولو وروسته دا تریبیون جرمني ته ولیږي. ټاکل شوې ده دغه تریبیون لومړی جرمني ته ولیږل... Читать дальше...

تاجکستان ۱۱ هغه قرغزي وګړي له بنده خوشې کړي چې پر پوله د ناقانونه اوښتو له کبله بندیان شوي وو. د خوشې شویو له ډلې حیدربیک خیدروف د ازادې اروپا/ ازادۍ راډیو ته وویل، هغه او لس نور ملګري یې چې د یوه کال په اوږدو کې د تاجکستان سرحدي ځواکونو نیولي وو، له بنده خلاص شوي دي. د تاجکستان او قرغیزستان چارواکو تر اوسه په دې اړه څه نه‌دي ویلي. د تېرې جون میاشتې په دریمه نېټه قرغیزي چاروکو ۱۱ تاجک اتباع له بنده خوشې کړل. په مرکزي اسیا کې ډېرې سرحدي سیمې د پخواني شوروي اتحاد له پرځېدو وروسته په لانجمنو سیمو اوښتي دي. Читать дальше...

پېښو ته د رسېدو په چارو کې د طالبانو د دولت وزارت وايي، وروستیو سېلابونو خلکو ته درانه مالي او ځاني تاوانونه اړولي. د دغه وزارت مالي او اداري مشر غلام غوث ناصري نن په یوه پیغام کې وویل: "په دوو وروستیو ورځو کې په پکتیا، غزني، لغمان، لوګر او میدان وردک کې سېلابونه راوتلي. له امله یې شپږ کسان شهیدان او لس تنه ټپيان شوي. ۴۰۰ کورونه بشپړ وران او یو نیم زر نور قسماً تخریب شوي. کرنیزو ځمکو محصولات په بشپړه توګه له منځه تللي." چارواکي وایي، چې دغو زیانمنو سره د مرستو لپاره سیمه ییز ټیمونه موظف شوي.... Читать дальше...

یو شمېر معترضې مېرمنې وايي، د سړکونو پر سر اعتراضونه یې ځکه کم کړي، چې د دوی په خبره له زیاتو امنیتي ګواښونو سره مخ و. یو شمېر معترضې میرمنې وايي، په دې وروستیو کې د دوی پر وړاندې د یو لړ جدي امنیتي ګواښونو له امله اړې شوي، چې د سړک د سر له اعتراضونو لاس واخلي. دوی ادعا کوي، چې د طالبانو حکومت ځینو کسانو دوی له اعتراضونو وروسته د کور تر دروازې تعقیب کړي او ان کله، کله ورسره ګواښونکې ټیلیفوني اړیکې هم نیول شوې دي. دغه مېرمنې وايي، اعتراضونه یې د کوم مشخص شخص په نوم نه بلکې، د طالبانو سرپرست... Читать дальше...

د پاکستان پوځ او استخباراتي ادارو د کسانو په زوره لادرکه کولو کې لاس لرل په وار وار رد کړي دي. د ۲۰۲۱ د فبرورۍ پر ۲۴مه د پاکستان پوځ د عامه اړيکو څانګې مشر ميجر جنرل بابر افتخار ويلي وو چې په هغه هېواد کې د ورکو کسانو مسله حلېدو ته نيږدې شوې.

د اوکراین د ژغورنې عملې د یوه پنځه پوړیز اپارتمان په کنډوالو کې وروسته له هغه لټون ته دوام ورکړ، چې د روسي پوځ راکټونو په ختیځ دونیتسک سیمه کې دا ودانۍ وویشته او لږترلږه ۱۵ کسان یې په کې ووژل. اوکرایني چارواکي اندېښنه لري، چې په چاسیف یار ښارګوټي کې لسګونه کسان لاهم په نړېدلې ودانۍ کې بند پاتې دي. چارواکو ویلي، چې روسي ځواکونو په وروستیو اوونیو کې د لوهانسک د ډېری برخو تر نیولو وروسته پر دونیڅک سیمې بریدونه زیات کړي دي. د ژغورنې په عملیاتو کې د پېښې په ځای کې ۱۵ مړي وموندل شول او پنځه کسان... Читать дальше...

په هلمند کې د طالبانو حکومت د عامې روغتیا ریاست وايي، چې په تېرو دوو ورځو کې په دې ولایت کې د کولرا ناروغۍ له امله ۱۸ کسان مړه شوي. په هلمند کې ولایت کې د کولرا یا نس ناستي ناروغۍ په تړاو اقدامات او اندېښنې! د هلمند ولایت د عامې روغتیا ریاست وايي، په باغران ولسوالۍ کې په کولرا ناروغۍ د اخته کسانو شمېر لا معلوم نه دی خو مړه شوي یوازې اتلس کسان دي. د دې ولایت د عامې روغتیا ریاست لپاره د طالبانو رییس ډاکتر سید احمد سعید ازادي راډیو سره په خبرو کې وویل: "پخواني مرکزونه شته او موږ ورته درې څلور نور هم جوړ کړي دي. Читать дальше...

د نورستان ولایت د اطلاعاتو او فرهنګ ریاست، سېلاب ځپلو ته د بېړنیو مرستو غوښتنه کوي. د دغه ریاست لپاره د طالبانو سرپرست رییس مولوي سمیع الحق حق بیان نن ازادي راډیو ته وویل، چې په تېرو څو ورځو کې په دغه ولایت د سېلابونو له امله خلکو ته درانه ځاني او مالي زیانونه اوښتي دي. د نوموړي په خبره، په دغه سېلابونو کې اته کسان مړه شوي، د کونړ نورستان نښلونکې لارې یې ویجاړې کړي او پلونه، د خلکو د استوګني کورونه، دوکانونه او ان موټرې سېلابونو وړي دي. نوموړی وايي، چې اوس تازه بیا په دغه ولایت کې د ورښتونو او سېلابونو د راوتلو اټکل شوی دی. Читать дальше...

د القاعدې وسله والې ډلې د پخواني مشر اسامه بن لادن زوی عمر بن لادن د خپلو انځورونو نندارتون پرانیستی دی. نوموړی له ۲۰۱۶ز کال راهیسې د فرانسې په نارمندي سیمه کې اوسي. د عمر بن لادن پلار چې په افغانستان کې اوسېده نو ده هم ورسره څه وخت تېر کړی وو. ۴۱ کلن بن لادن په خپل پلرني هېواد سعودي عرب ته نه شي ستنېدای او برتانیې او هسپانیې یې هم هلته د اوسېدو غوښتنلیکونه رد کړي ول. دی وايي، په فرانسه کې هېڅوک ورته د خپل پلار د کړنو له کبله بد نه ګوري. القاعدې ډلې په ۲۰۰۱ز کال کې پر امریکا د ترهګرو حملو ذمه واري منلې وه. Читать дальше...

خیبرپښتونخوا  ته تللي افغان سندرغاړي او موسیقي غږونکي له بېلابېلو ستونزو سره مخ دي. حیات روغاني په خیبرپښتونخوا کې د افغان سندرغاړو او موسیقي غږونکو په اړه خبرې کوي. نوموړی، لیکوال او په پېښور کې د مفکوره په نوم د څېړنیز پراختیايي مرکز بنسټ غړی دی. روغاني وايي، کوم سندرغاړي او موسیقي غږونکي، چې پر افغانستان د طالبانو تر واکمنېدو وروسته خیبرپښتونخوا ته تللي دي، شمېر یې ۱۵۶ تنو ته رسېږي او له بېلابېلو ستونزو سره مخ دي. هغه وویل: "په پېښور کې د هنري ټولنې له خوا ۱۵۶ کسان ثبت شوي دي، دوی یو شمېر... Читать дальше...

د افغانستان په بیلابیلو ولایتونو کې سيلابونو ګڼ خلک وژلي، په سلګونو کورونه یې وران کړي او زاعتي ځمکې یې ويجاړې کړي دي.  د طالبانو د حکومت د پېښو سره د مبارزې وزارت ویاند محمد نسیم حقاني بېګا د تازه سیلابونو د راوتلو په اړه د جولای په لسمه، ازادي راډیو ته وویل: "د غزني په مرکز کې شپږ کسان شهیدان شوي او پنځه نور زخمیان دي. البته مالي تاوانونه سخت زیات دي. ابتدایي ارقام داسې دي چې ۳۰۰ کورونه بشپړ تخریب شوي او ۱۰۰۰ څخه زیات قسمي ډول تخریب شوي. د میدان وردک په جغتو ولسوالۍ کې هم سخت سیلابونه راوتلي.... Читать дальше...

د ملګرو ملتونو یو راپور وايي، په نړۍ کې که څه هم د وګړو شمېر په زیاتېدو دی، خو تر پخوا یې وده ورو شوې ده. د جولای د یوولسمې یا د نفوسو نړیوالې ورځې په مناسبت د ملګرو ملتونو د نفوسو څانګې نن دوشنبه په یوه راپور کې وویل، په ۲۰۲۰م کال کې د نړۍ په سطحه د نفوس وده ۱ فیصده کمه شوه، چې له ۱۹۵۰م کال راهیسې د پام وړ کموالی ښيي. د ملګرو ملتونو د نفوسو څانګې مشر، جان ویلموت دا د پرمختیايي هېوادونو لپاره یو چانس وباله. ده ویلي چې د نفوسو کموالی، د بېوزلۍ او لوږې په وړاندې له مبارزې، د زده کړې د کیفیت له... Читать дальше...

د امریکا د بهرنیو چارو وزیر وايي، د اوکراین د غله جاتو پر صادراتو د روسیې محدودیتونه ښايي د سریلانکا په وروستیو ناکراریو کې ونډه لرلې وي. انتوني بلېنکن اندېښنه وښوده، چې دغه محدودیتونه ښايي د نړۍ په نورو برخو کې هم د نورو بحرانونو سبب شي. هغه یو وار بیا له روسیې غوښتنه وکړه هغه شا و خوا ۲۰ ملیونه ټنه غله جات چې په اوکراین کې دي پرېږدي. مسکو پر اوکراین په فبروري میاشت کې یرغل وکړ. پخوا به هرکال د اوکراین په ملیونونو ټنه غله جات افریقا، منځني ختیځ او د نړۍ نورو برخو ته صادرېدل. کله چې روسیې... Читать дальше...

د امریکا د متحدو ایالتونو په مشرانو جرګه کې د اکثریت د مشر چک شومر د کرونا ټیسټ مثبت وخوت. د هغه یوه ویاند د یکشنبې په ورځ ویلي، شومر که څه هم د واکسین دواړه ډوزونه یا ستنې یې لګولې وې، په کرونا اخته شوی او ډېر خفیف علایم لري. د ده په وینا ښاغلی شومر به روانه اوونۍ قرنطین وي، خو له خپل استوګنځي څخه به خپل کار ته دوام ورکوي. د امریکا په متحدو ایالتونو کې د کرونا ویروس د مثبتو پېښو شمېر تر ۹۰ ملیونو اوښتی او تر یو میلیون ډېر کسان په کې په دې ویروس مړه شوي دي.

د طالبانو د حکومت د هوايي چلند او ټرانسپورټ وزارت چارواکي هیله ښيي چې ژر به افغانستان ته د اماراتو او ترکش ایرلاینز پروازونه پيل شي. د دغه وزارت مرستیال غلام جیلاني وفا ازادي راډیو ته وویل: "د بیمې په لحاظ دوی مشکل نه لري. کابل په میدان کې یې بیمه شته. فعالیت د ځمکې، ټول خدمات، امنیتي چک، د کارګو او مسافرو چک ټول د سټنډرډ او ایکاو مطابق دي. نو انشالله دوی به ژر پروازونه شروع کړي دا وعده یې موږ ته راکړې ده." د طالبانو له بیا واکمنېدو را وروسته د اماراتو او ترکش ایرلاینز په شمول ګڼو لویو بهرنیو هوایي شرکتونو افغانستان ته خپل پروازونه ودرول. Читать дальше...

په هلمند کې سخت نس ناستي شل کسان مړه کړی دي. د طالبانو تر کنټرول لاندې باختر خبري اژانس بېګا ناوخته په دې اړه راپور ورکړی دی او ویلي یې دي چې دا کسان په تېر یوه شپه او ورځ کې مړه شوي. د هلمند روغتیايي چارواکي وايي، په باغران ولسوالۍ کې تر ۱۲۰ ډېر کسان په نس ناستي/اسهال ناروغۍ اخته شوي چې له ډلې یې شاوخوا ۲۰ تنه مړه شوي دي. د هلمند د روغتيايي چارواکو په وينا، له مرکز څخه دغې ولسوالۍ ته ګرځنده روغتيايي ټيمونه لېږل شوي او د ناروغانو درملنه روانه ده.

د افغانستان د هوا پېژندنې ادارې په بدخشان،کونړ، نورستان، لغمان، ننګرهار، کابل، لوګر، پکتیا، خوست، پکتیکا، غزني،کندهار او زابل کې د سېلابونو او ورښتونو د پېښېدو خبرداری ورکړی. دې ادارې پرون په دې اړه اعلامیه خپره کړې. په اکثرو دغو ولایتونو کې تېرې څو ورځې سخت اورښتونه شوي او وروسته سېلابونه راوتلي. له زابل، ارزګان،کندهار او غزني څخه ازادي راډیو ته د تایید شویو شمېرو په اساس تېر یوه اوونۍ سېلابونو شاوخوا شپېته کسان مړه کړي او لسګونه نور یې هم ژوبل کړي دي.

د افغانستان د کرکټ بورډ مخکیني مشر عزیزالله فضلي هغه خبرونه ناسم وبلل چې د ده په اړه په خواله رسنیو کې خپاره شوي وو. تر اختر څو ورځې مخکې خواله رسنیو کې خبرونه خپاره شول، چې ښاغلی فضلي د طالبانو د امنیتي ځواکونو له خوا په دې تور نیول شوی چې غوښتل یې په زور کرکټ بورډ ته ننوځي او د دغه بورډ ریاست ونیسي. خو فضلي یکشنبه ناوخته په خپل فېسبوک لیکلي، چې د طالبانو د حکومت له رییس الوزرا سره تر خبرو وروسته څو ورځې په ارګ کې وو. هغه همدارنګه کرکټ بورډ ته په زور د ننوتلو خبرونه رد کړل او ځينې خبریالان... Читать дальше...

سربیایي ټینس باز نوواک جوکوویچ د اسټرالیا نیک کریګیوس ته په ماتې ورکولو سره د ویمبلډون اتلولي وګټله. دا اوم وار دی چې نوواک ویمبلډون جام ګټي. جیکوویچ وتوانېد، چې په لندن کې په پرونۍ لوبه کې خپل سیال ته په څلورو سیټونو کې ماته ورکړي. په دې توګه د نوواک جیکوویچ د بریاو شمېر ۲۱ ته ورسېد. دا ریکارډ د هسپانوي ټینس باز رافایل نادال تر بریاوو یوه نمره کمه ده.

اوکرایني چارواکي په دونیتسک سیمه کې د روسیې د راکټي بریدونو په نتیجه کې د ۱۵ کسانو د وژل کېدو خبر ورکوي. د روسیې اورګان راکټونو په دونیتسک سیمه کې یوه پنځه پوړیزه ودانۍ په نښه کړه. د شپې په اوږدو کې د ودانۍ دننه د جسدونو او پاتې کسانو لټون دوام درلود. د دونیتسک سیمې پوځي قوماندان پاولو کریلینکو پرون د جولای ۱۰مه وویل، چې د چاسیف یار په ښارګوټي کې یوه ودانۍ په نښه شوې ده. د دغه ښار نفوس شاوخوا ۱۲ زره اټکل شوی دی. د چاسیف يار ښار يوې اوسېدونکې ويرينا رويټرز خبري اژانس ته ويلي، چې د څو راکټونو د لګېدو غږ يې واورېد. Читать дальше...

د کډوالو په چارو کې د ملګرو ملتونو عالي کمېشنرۍ وايي، په افغانستان کې بې ځایه شوې او کډوالې کورنۍ لا هم بشري مرستو ته سخته اړتیا لري. د کډوالو په چارو کې د ملګرو ملتونو عالي کمېشنري وايي، په افغانستان کې خلک ناهیلي دي او بېړنیو بشري مرستو ته اړتیا لري. دغې ادارې پرون په یوه بیان کې ویلي، چې بې ځایه شویو کورنیو ته به د خيمو او نورو لومړنيو اړتياوو برابرولو ته دوام ورکړي. یو ان اچ سي ار همدارنګه له هغو کسانو سره د مرستې غوښتنه کړې، چې په افغانستان کې یې هر څه له لاس ورکړي. اخوا د خوړو نړيوال... Читать дальше...

د افغانستان په بېلابېلو ولایتونو له هغې ډلې جنوب ختیځو سیمو کې د سېلابونو راوتلو ګڼ شمېر خلکو ته مرګژوبله اړولې او مالي تاوانونه یې ور رسولي. یواځې غزني کې د سېلابونو راوتلو تازه شپږ کسان مړه کړي. په دې سربېره د میدان وردک په ګڼو سیمو کې هم سېلابونه بهېږي، چې خلکو ته یې تاوانونه اړولي. طبیعي پېښو ته د رسېدو په چارو کې د طالبانو د حکومت وزارت ویاند محمد نسیم حقاني بېګا د تازه سېلابونو د راوتلو په اړه ازادي راډیو ته وویل: "د غزني په مرکز کې شپږ کسان شهیدان شوي او پنځه نور زخمیان دي. البته مالي تاوانونه سخت زیات دي. Читать дальше...

يو اس اې ټوډې: يو اس اې ټوډې ورځپاڼې امریکا ته د تخلیه شویو افغان کډوالو پر ژوند یوه لیکنه خپره کړې ده. کله چې د تېر کال د اګست په نیمایي کې طالبان بیا پر افغانستان واکمن شول، امریکا څه باندې شپږ اويا زره هغه افغانان تخلیه کړل چې د دوی ملکي او پوځي همکاران او د کورنۍ غړي یې وو. ورځپاڼې لیکلي، دغه افغان کډوال اوس د امریکا د نوي ژوند او په افغانستان کې د پاتې ترخو خاطرو ترمنځ حالت کې ژوند کوي. ورځپاڼې د افغانستان د بشري حقونو او ښځو د فعالې حمیرا قادري کیسه را اخیستې ده چې وایي، تېر کال له... Читать дальше...