د پاکستان د سوداګرۍ د وزارت پلاوي په کابل کې له طالبانو سره د افغانستان او پاکستان تر منځ د تجارت په برخه کې یو تړون لاسلیک کړ چې پکې افغان اوپاکستاني سوداګرو ته یو لړ اسانتیاوې په پام کې نیول شوې دي. د ژمنې به پلې شي؟ له قانوني پلوه به یې تضمین وشي؟ د مثلث په دې خپرونه کې یې کتلی شئ:
دا ۳۰ کسیزه ډله د پاکستان د نورو هغو سیمو په شان چې پکې د بودایانو د لرغوني مذهب "بد مت" اثار پکې موندل کېږي، له سوات څخه هم لیدنه کوي. د پلاوي مشر مشال راډیو ته وویل، په سوات کې د هغوی د مذهب پاتې شونې اثار هغوی ته د عقیدت وړ دي. نور تفصیل په دې ویډیويي راپور کې.
روسیې هغسې چې تمه یې کېده، اروپا ته د ګازو لېږد کم کړی او په دې سره د اروپا د وچې له هغو هېوادونو سره چې تر ژمي مخکې د ګازو او تېلو زېرمې پیاوړې کوي، کړکېچ لا زیاتوي. د بالتیک تر سمندر لاندې اروپا ته د غځېدلې د ګازو لېږدونکې نارډ سټریم یو نللیکې د عملیاتو ادارې وویل٬ چې د نن د ورځې په اوږدو کې د ګازو د لېږد ظرفیت کم شو او اوس د دې نللیکې له ترمینل څخه د ګازو د لېږد ظرفیت شاوخوا یو پر پنځمې برخې ته رسېدلی دی. د روسیې د ګازو دولتي شرکت ګازپروم د ګازو کمول اعلان کړي و او کریملین نن بیا اعلان وکړ٬... Читать дальше...
د ترکیې چارواکي وایي٬ چې د اوکراین د غلو دانو د صادراتو لپاره یې یو ګډ مرکز پرانیستی او هیله من دي چې په نږدې ورځو کې د کښتیو په ذریعه د غلو صادرات پیل شي. په عین حال کې کییف هم ویلي٬ چې له روسیې سره د ملګرو ملتونو په منځګړتوب د وروستي تړون له مخې د تور سمندرګي په درېیو بندرونو کې فعالیتونه له سره پیل شوي دي. د دغه نوي پرانيستل شوي مرکز یوه مهمه دنده به دا وي٬ چې د کښتیو په ذریعه په خوندي توګه د اوکراین د غلو د صادراتو پر خوندي لارې څارنه وکړي او هم څار وکړي چې د تور سمندرګي له لارې په تلونکو... Читать дальше...
د هلمند د کجکي د برښنا بند دوهم فاز نن پرانیستل شو. د طالبانو د حکومت د اوبو او برښنا وزارت ویاند اختر محمد نصرت وایي، له دې سره به د هلمند او یو شمېر نورو ولایتونو د برښنا ستونزه تر ډېره هواره شي. هغه وویل:"د دوهم فاز په افتتاح سره به له دې وروسته د بند د برښنا تولید به له ۵۰ میګاواټو څخه ۱۵۱ میګاواټو ته پورته شي. دا به هلمند او کندهار ولایتونو ته برښنا ورکوي." کجکي بند د هلمند پر سیند جوړ شوی٬ چې د معلوماتو له مخې د دوه اعشاریه اته میلیارده متر مکعبه اوبو د زېرمه کولو وړتیا لري. له دې بنده... Читать дальше...
د بخښنې نړیوال سازمان وايي، افغان نجونې او ښځې د طالبانو په واکمنۍ کې سختې ځپل شوي او نه یوازې دا چې له خپلو حقونو محرومې دي، بلکې له کورني تاوتریخوالي سره مخ او په کم عمر کې په زور ودېږي. یوه معترضه مېرمن٬ چې په کابل کې یې د طالبانو پر ضد په څو اعتراضیه غونډو او لاریونو کې ګډون کړی اوس له افغانستانه بهر اوسېږي او د خپل هویت د پټ ساتلو په شرط یې ازادي راډیو سره خبرې کړي. دا ادعا کوي٬ چې طالبانو هغه مهال بندي کړې وه او همدا ډول د اعتراض پر مهال وهلې او شکنجه کړې، خو نه غواړي چې په زندان کې د خپل وضعیت په اړه ډېر جزییات ورکړي. Читать дальше...
د افغانستان لپاره د سوېډن کمیټې یو موټریز کاروان او د هغوی یو شمېر کارکوونکي د پکتیکا په لارو او کوڅو کې ګرځي او له کورنیو غواړي چې خپلې نجونې او هلکان د هېواد او خلکو د ښه راتلونکې لپاره ښوونځیو ته ولېږي.
له شپږم ټولګي څخه د پورته ټولګیو د نجونو پر مخ د ښوونځیو د پرانیستلو په اړه د طالبانو د ژمنو د نه عملي کېدلو سره سره یو ځل بیا د طالبانو د حکومت د بهرنیو چارو د وزات مرستیال شېرمحمد عباس ستانکزی وایي، چې د ښوونځیو دروازې به ډېر ژر د ټولو زده کوونکو پر مخ پرانیستل شي. له شپږم ټولګي پورته د نجونو پر مخ د ښوونځیو د دروازو د خلاصولو په اړه د طالبانو د ژمنو په دوام د طالبانو د حکومت د بهرنیو چارو د وزات مرستیال شېرمحمد عباس ستانکزي یو ځل بیا په دې ټېنګار وکړ، چې نجونو ته دې د زده کړې زمینه برابره شي،... Читать дальше...
د پکتیا د زرمت ولسوالۍ په ځینو سیمو کې د خلکو پر کورونو او ځمکو سیلاوونه ورغلي او خلک اړ شوي، چې خپل کورونه پریږدي. بل لوري ته د پکتیا ځايي چارواکي وايي، دوی په پام کې لري، چې سیلاب ځپلو لپاره په مرکز ګردیز کې د اوسیدو یو کمپ جوړ کړي. چارواکي له ملي او نړیوالو بنسټونو څخه د سیلابونو له زیانمنو سره د بیړنیو مرسته غوښتنه کوي. په دې اړه نجیب الله الوخیل ویډیويي راپورچمتو کړی دی.
په جنوب لوېدیځ او شمال زونونو کې د فوټبال سيالۍ پيل شوې. د افغانستان د بدني روزنې او ورزش ادارې پر خپله فېسبوک پاڼه لیکلي دي، چې د هلمند په مرکز لښکرګاه کې د کوربه هلمند ترڅنګ د کندهار، زابل، ارزګان او غزني لوبډلو ترمنځ د فوټبال سیالۍ پرون پيل شوې دي، چې پنځه ورځې به دوام وکړي. دغه ادارې لیکلي دي٬ چې په ورته وخت کې په همدې ورځ، په بلخ کې هم د شمال زون د ۵ لوبډلو ترمنځ د فوټبال سيالۍ پيل شوې دي. د شمال زون د فوټبال په سیالیو کې د کوربه بلخ ترڅنګ، د جوزجان، فاریاب، سمنګان او سرپل لوبډلو ګډون کړی دی. Читать дальше...
دا اوونۍ مو په مشال مرکه کې د جماعت اسلامي ګوند د خيبر پښتونخوا امير او پخوانی سېنېټر پروفيسر محمد ابراهيم خان ميلمه دی. نوموړي له ۱۹۸۵ کال راهيسي د پاکستان په سياست کې فعال رول لوبوي. پروفيسر ابراهيم له ۲۰۰۶ تر ۲۰۱۲ کال پوري سېنېټر هم پاتي شوی. نوموړی د ۲۰۲۲ کال په اپريل مياشت کې د جماعت اسلامي د خيبر پښتونخوا امير ټاکل شوی وو. نوموړي په دي وروستيو کې په قبايلي ضلعو او په ځانګړې ډول په شمالي وزيرستان کې د هدفي وژنو پرضد لاريون هم کړی وو. پروفیسر ابراهيم وايي، په قبايلي ضلعو کې هله امن راتلی شي چې پوځ ووځي او مشرانو ته د فيصلو اختيار ورکړل شي.
د شپږیزې کرکټ لیګ په نننیو سیالیو کې بوسټ لوبډلې بند امیر ته ماتې ورکړه او د سپین غر او هندوکش لوبډلو ترمنځ لوبه روانه ده. د نن ورځې په لومړۍ لوبه کې بوست لوبډلې توپوهنه وکړه او د ۵ لوبغاړو په اوټ کېدو یې ۱۲۸ منډې وکړې٬ خو په ځواب کې یې د بند امیر لوبډله په ۱۱۱ منډو اوټ شوه او لوبه یې د ۱۷ منډو په توپیر بوسټ لوبډلې ته وبایلله. په دوهمه لوبه کې چې د سپین غر او هندوکش ترمنځ روانه ده، سپین غر د پچې په ګټلو سره توپوهنه غوره کړه او په شل اورونو کې یې ۱۹۷ منډې جوړې کړې٬ چې اوس هندوکش لوبډله د دې هدف د پوره کولو په نیت توپ وهنه کوي. Читать дальше...
د جرمني دبهرنیو چارو وزیرې انالینا بایربوک له ازادۍ راډیو سره په ځانګړې مرکه کې وویل " د ځمکې پر مخ د ښځو له حقونو تر ټولو بده سرغړونه افغانستان کې روانه ده". میرمن بایربوک د سه شنبې په ورځ د افغانستان د اوسنیو حاکمانو له خوا د نجونو او ښځو پر کار او تعلیم د محدودیتونو پر لګولو هم نیوکه وکړه او وې ویل، جرمني له طالبانو سره اړیکه نه لري. هغې زیاته کړه چې برلین د افغانستان د خلکو مرستې ته ژمن دی. د دغې مرکې یوه برخه دلته وګورئ.
د انګلستان د فوټبال ښځینه لوبډلې د اروپا د ۲۰۲۲ کال لیګ پایلوبې ته لار ومونده. د دې لیګ پایلوبه٬ چې تېره شپه د انګلستان په یارکشایر کې د کوربه انګلستان او سويډن لوبډلو ترمنځ وشوه، کوربه لوبډله ۴ -۰ د سويډن لوبډلې ته ماتې ورکړه. د انګلستان لپاره په تېره لوبه کې بېت مید په ۳۴مه دقیقه کې، لوسي برونز په ۴۸مه دقیقه کې، الیسیا روسو په ۶۸ مه دقیقه کې او فران کربي په ۷۶ مه دقیقه کې ګولونه ووهل او خپله لوبډله یې پایلوبې ته ورسوله. له ۲۰۰۹ کال وروسته دا لومړی ځل دی چې د انګلستان ښځینه لوبډله د اروپا په لیګ کې پایلوبې ته رسېږي.
په پاکستان کې د روان کال په اپرېل میاشت کې پیل شوی سياسي بحران لا تراوسه هم تم شوی نه دی. کړکېچ هغه وخت پیل شو چې کله د تحريک انصاف مشر او پخواني وزیراعظم عمران خان پرضد د هغه وخت حزب اختلاف چې دا مهال په حکومت کې دی، د ناباورۍ تحريک کامياب کړ. پوښتنه دا ده چې د پنجاب د وزیراعلا د لانجمنو ټاکنو په اړه د سپریم کورټ تازه فيصلې سره به دا بحران نور پای ته ورسېږي او که به لا پسې زیات شي.؟ دا او نورې پوښتنې د مشال تر رڼا لاندې کې بحث شوې دي.
د اوکراین پوځ د دغه هېواد په جنوب کې هغه ستراتیژیک پول په توغندیو ویشتلی چې د روسیې د ځواکونو تر کنټرول لاندې دی. دا په داسې حال کې ده چې اوکرایني چارواکو له روسي ځواکونو څخه د خرسون ښار د بېرته نیولو ژمنه بیا تکرار کړې ده. د جګړې ښکېلو ډلو پرون وویل، دا پول د هغو لرې واټن ویشتونکو توغندیو په مټ هدف ګرځول شوی چې لویدیځ هېوادونو اوکراین ته ورکړي دي. د روسیې یوه چارواکي ویلي، له بریده وروسته پر دغه پله تګ را تګ بند شوی دی، خو هغه د اوښتي احتمالي زیان په اړه څه نه دي ویلي. پر دغه پله روسیي ځواکونو ته چې په جګړه بوخت دي، مهمات لېږدول کېدل.
سیګار وايي، د امریکا دفاع وزارت د افغان امنیتي او دفاعي ځواکونو د معاشانو لپاره ۲۳۲ میلیونه ډالر بې له محاسبې او په داسې ډول مصرف کړي چې د لګښت په اړه یې پوښتنې شته. د افغانستان د بیا رغونې لپاره د امریکا د ځانګړي څارونکي راپور چې پرون خپور شو لیکي، له دې امله چې د امریکا دفاع وزارت د افغان امنیتي او دفاعي ځواکونو د معاشانو د ورکړې په برخه کې له خپل څارونکي سیسټمه سمه ګټه نهده اخيستې، اوس دا اداره د دې توان نهلري چې معلومه کړي چې دا میلیونونه ډالر چېرته مصرف شوي دي. داسې مهال چې سیګار له دې... Читать дальше...
په کراچۍ ښار کې خلک شکایت کوي چې له وروستیو بارانونو نه پس په لارو، کوڅو او سړکونو باندې اوبه ډنډ ولاړې دي او د هغوی ژوند یې اغېزمن کړی دی. دوی له انتظامیې غوښتنه کوي چې دا مسله دې ورته هواره کړي. بل پلو انتظامیه وايي، لاس پکار ده او د اوبو د نکاسۍ هڅه کوي. نور تفصیل په دې ویډیويي راپور کې
انالینا بیربوک په دې مرکه کې وویل، جرمني په افغانستان کې د وضعیت تر ترینګلتیا وروسته د افغانانو په لاسنیوي کې مهم نقش لوبولی دی.
د پاکستان ولسمشر ډاکټر عارف علوي، د جولای په ۲۶مه ناوخته د مسلم ليګ (ق) چودري پرويز الهي ته د پنجاب د اعلا وزیر په حیث سوګند ورکړ. تر دې وړاندې د پاکستان سترې محکمې (سپریم کورټ) د جولای په ۲۶مه، د پنجاب اسمبلۍ د مرستیال سپیکر پرېکړه لغوه کړه. د پاکستان د چیف جسټس یا مشر قاضي عمر عطا بندیال په مشرۍ کې د سترې محکمې درې کسیزه جرګګۍ په خپل امر کې ویلي چې چودري پروېز الهي به د پنجاب اعلی وزیر وي. عدالت په خپله پرېکړه کې وویل، د جولايي په ۲۲مه، د پنجاب اسمبلۍ د مرستیال سپیکر دوست محمد مزاري هغه پرېکړه... Читать дальше...
د روسیې پوځ وایي، په وروستیو توغندویي بریدونو کې یې د اوکراین په ادیسه او میکولاییف ښارونو کې د اوکراین پوځ ته درانه زیانونه رسولي خو کییف وايي، په دغو بریدونو کې خصوصي ودانۍ او بندري تاسیسات په نښه شوي دي. په داسې حال کې چې روسیې پرون هم د اوکراین پر بندري ښار ادیسه او میکولاییف هوايي بریدونو ته دوام ورکړ، د مسکو ملاتړیو بېلتون غوښتونکو ادعا کړې چې د اوکراین په ختیځ دونیڅک سیمه کې سویت لودارسک ښار ته نژدې یې د اوکراین د ډبرو سکرو د برېښنا د تولید د دوهمې لویې فابریکې کنټرول په لاس کې اخیستی دی. Читать дальше...
د طالبانو حکومت د صنعت او سوداګرۍ وزارت وايي، په تېر کال کې ۲۰ زره او ۱۰۷ ټنه وچه او تازه مېوه، سبزیجات، طبي نباتات او زعفران بهر ته صادر شوي دي. دې وزارت پر خپله وېبپاڼه لیکلي دي دا مېوې، سبزیجات او طبي نباتات چې د صنعت او سوداګرۍ وزارت د کیفیت له تصدیق پاڼو وروسته صادر شوي، د دې تصدیق پاڼو په اعتبار سوداګر کولای شي خپل توکي په اروپا، امریکا او اسټرالیا کې وپلوري. د صنعت او سوداګرۍ وزارت د معلوماتو پر بنسټ د دې وزارت سرپرست نورالدین عزیزي د مېوو، سبزیجاتو او طبي نباتاتو د صادراتو د پراختیا ادارې... Читать дальше...
د طالبانو حکومت مرستیال ویاند او د ملي ټلوېزیون مشر احمدالله وثیق پر خپله ټوېټر پاڼه لیکلي دي، چې د کجکي بند د دویم فاز پروژې کارونه پای ته رسېدلي او نن به پرانیستل شي. د دې بند د پرانیستې مراسمو لپاره د طالبانو حکومت د ریاست الوزرا د اقتصادي مرستیال ملا برادر ترڅنګ یو شمېر نور طالب چارواکي هم کجکي ته رسېدلي دي. د کجکي بند د دویم فاز له جوړېدو سره د دې بند د برېښنا ظرفیت ۱۰۰ میګاواټه زیاتېږي، چې د هلمند او کندهار ډېرو سیمو ته به برېښنا ورکړي. د کجکي بند د دویم فاز کارونه په ۲۰۱۶ کال کې د تېر... Читать дальше...
پر کابل د طالبانو تر واکمنېدو وروسته افغانستان له یو شمېر ستونزو سره مخامخ دی خو په دغسې شرایطو کې هم افغانان مېلې او سېلونه نه دې پرې اېښي. د يو شمېر ولايتونو اوسېدونکو دا مهال د سېل لپاره باميانو ته مخه کړې ده. په دې اړه عبدالحي کاکړ د فرانس پرېس اژانس له ويډيو رپورټ جوړ کړی دی.
که څه هم طالبان د تاشکند کنفرانس بریالی بولي، خو د افغانستان د بشري حقونو او ښځو لپاره د امریکا ځانګړې استازې رینا امیري وايي، په دې غونډه کې هیچا د طالبانو د رسمیت پېژندنې ملاتړ و نهکړ. اغلي امیري په خپله ټویټرپاڼه کې له طالبانو سره د امریکايي پلاوي نننۍ لیدنه هم تحریم کړې، خو لیکي، ځانګړي استازي توماس ویسټ او د هغه همکارانو ته د افغانستان د اقتصادي ثبات د هڅو په برخه کې د پرمختګونو هیله کوي. که څه هم ټاکل شوې چې ځینې لوړ پوړي امریکايي چارواکي به نن چهارشنبه د طالبانو له یوه پلاوي سره وګوري... Читать дальше...
