Новости за 22.11.2022

په اندونیزیا کې د یوې زورورې زلزلې له امله د مړو شمېر تر ۱۶۰ تنو واوښت. د دغه هېواد په لوېدیځ جاوا ولایت کې پرون دوشنبه د ریکتر په کچه د ۵.۶ درجې زلزلې په پایله کې سلګونه کسان ټپیان شوي هم دي. تر ټولو زیات زیان په سیانجور ښارګوټي کې خلکو ته اوښتی دی. د اسوشیېټډپرېس خبري اژانس د راپور له مخې، د لوېدیځ جاوا والي رضوان کامل ویلي چې ډېری وژل شوي د ښوونځي زده کوونکي دي. روغتونونه د ټپیانو څخه ډک دي او اندېښنه شته چې د مړو شمیر به لوړ شي ځکه چې ډېری زیربناوې ویجاړ شوي.

د امریکا متحدو ایالتونو ویلي شمالي کوریا باید د توغندیو د ازمویلو حساب ورکړي. تېره اونۍ پیونګ یانګ یو بین البراعظمي بالستیک توغندی و ازمایه چې د امریکا خاورې ته د رسېدو توان لري. په ملګرو ملتونو کې د امریکا سفیرې لینډا توماس ګرینفیلډ پرون د دغه سازمان په غونډه کې وویل، دا مهمه ده چې د ملګرو ملتونو د امنیت شورا پنځلس غړي متحد ځواب ووايي. هغې د دغه سازمان د امنیت شورا له مشرتابه وغوښتل چې په دې اړه یوه اعلامیه صادره کړي. ګرینفیلډ د متحده ایالاتو هغه تورونه تکرار کړل چې روسیه او چین د امنیت... Читать дальше...

د فوټبال په نړیوال جام کې بېګا ایران له انګلستان شپږ پر دوه ماته وخوړه. سربېره په دې چې په نړیوال جام کې دا د ایران تر ټولو بده پایله ګڼل کېږي دې لوبې ګڼ نور اړخونه هم پیدا کړل. د فوټبال په نړیوال جام کې پرون یوه له ناندریو او پېښو ډکه لوبه وشوه. د انګلستان د فوټبال د ملي ټیم غړو د ایراني مظاهره چیانو سره د خواخوږي د څرګندولو په پار د لوبې تر پیل مخکې په ځمکه یو زنګون وواهه او خپل درناوی یې وښود. د ایران د فوټبال د ملي ټیم غړي هم د ایران د ملي سرود د غږېدو پر مهال غلي پاتې شول. دوی دا کار... Читать дальше...

ګلوبل اينډ مېل: کاناډایۍ ګلوب اینډ مېل ورځپاڼې د طالبانو په واکمنۍ کې د کندهار د زندان په اړه یو مطلب خپور کړی. کاناډايي ځواکونو د ۲۰۰۱ او ۲۰۱۴ کلونو ترمنځ په کندهار کې پوځي ماموریت لاره او په دې ترڅ کې د سرپوزې د زندان مسوولیت هم کاناډايي پوځیانو په غاړه واخیست. ورځپاڼه لیکي د سرپوزې زندان، چې یو وخت په افغانستان کې د کاناډا پوځي ماموریت د خپلو ویاړونو یوه برخه بلله د ښه نیت د اقداماتو مخینه لري، خو د دې ښه نیت نتایج ښه نه وو، ځکه د ورځپاڼې په وینا اوس مهال دې زندان یوه ډېره بدرنګه او ناوړه... Читать дальше...

د امانت د صندوق بورډ چې د افغانستان د څه باندې درې میلیارده او پنځه سوه میلیونه ډالرو باندې د څارنې لپاره په سویس کې جوړ شوی، دوشنبه خپله لومړۍ ناسته په جنوا ښار کې وکړه. د افغانستان بانک پخوانی رییس انوارالحق احدي چې د امانت د صندوق د بورډ غړی دی وايي، د دوشنبې ورځې د غونډې یوه برخه د یادو څه باندې درې نیم میلیاردو ډالرو په کار اچولو باندې متمرکزه وه. نوموړي په دې اړه ازادي راډيو ته وویل: "د دې صندوق د تنظیم په اړه ډېر بحثونه وشول او دا چې په راتلونکي کې باید د ناستو مشري هم د یوه افغان په... Читать дальше...

د طالبانو او پاکستاني عسکرو تر منځ د تازه سرحدي نښتو د درولو لپاره خبرې کومې پایلې ته نه دي رسېدلي. په سرحدي سیمو کې د نښتو له دوام سره سره دواړه لوریو خپل مذاکراتي پلاوي د خرلاڅي دروازې سره ناستې ته استولي وو. د ازادي راډیو د معلوماتو له مخې ناستې ته د طالبانو د پکتیا والي او ځینې نور چارواکي ورغلي وو. ځینې رسنیو له هغې ډلې طلوع نیوز او په خواله رسنیو یو شمېر خلکو دا هم ویلي چې د طالبانو د دفاع وزارت مرستیال ملا فاضل مظلوم هم ډنډ پټان ته تللی. لا نه ده تایید شوې چې په ناسته کې ملا فاضل هم حضور درلود که څنګه. Читать дальше...