Новости за 24.11.2022

د اروپایي پارلمان پر وېبپاڼې پرون سایبر برید وشو چې، مسوولیت يې روسیي پلوه هکرانو اخیستی دی. د اروپایي پارلمان استازیو وروسته یو پرېکړه لیک خپور کړ چې په هغې کې یې ماسکو د ترهګرۍ ملاتړی دولت وباله. د اروپایي پارلمان مشرې روبرتا میتسولا په ټوېټر کې ولیکل چې د اروپا د پارلمان پر وېبپاڼې یو پېچلی برید شوی دی. لوېدیځ پخوا هم روسیه تورنه کړې وه چې سایبري بریدونه کوي. اروپایي پارلمان په وروستیو میاشتو کې ویلي و چې، دوی په دې هڅه کې دي چې د خپلو کمپیوټرونو دفاعي سیستم پیاوړی کړي.

ټاکل شوې ده چې سبا د افغانستان او سرېلانکا د کرېکټ د ملي لوبډلو ترمنځ یوه ورځنۍ لوبه وشي. سرېلانکا د سوپر لیګ لوبو په ترڅ کې له افغانستان سره د دریو پنځوس اووره لوبو کوربنه ده. دا لوبې د دوه زره درویشتم کال نړیوال جام ته د مستقیم تګ لپاره دي. د سوپرلیګ لوبې له یوه کال راهیسې پيل شوې دي. افغان لوبډله دومره امتیازات تر اوسه لري که چېرته له سرېلانکا څه دا لړۍ وګټي په مستقیم ډول به د راتلونکي کال نړیوال جام ته ووځي.

د فوټبال په نړیوال جام کې نن څلور لوبې په پام کې دي، دا لوبې په قطر کې د یکشنبې په ورځ پیل شوې چې پایلوبه به یې د ډسمبر په اتلسمه وي. له لومړۍ ورځې پرته چې یوه لوبه په‌کې وشوه، تر اوسه له مهالوېش سره سم هره ورځ څلور لوبې شوې دي. د فوټبال په نړیوال جام کې نن لومړۍ مسابقه د سویس او کامرون ترمنځ د کابل په وخت د ماسپښین دوه نیمې بجې پیلیږي، د یوروګوای او جنوبي کوریا لوبه د مازدیګر پنځه نیمې بجې ده، د پرتګال او غانا مسابقه د ماسختن اته نیمې بجې او د برازیل او سربیا لوبه د کابل په وخت د شپې یولس نیمې بجې ده. Читать дальше...

ماینونو او ناچاوده موادو په افغانستان کې په ځانګړي ډول ماشومان له خطر سره مخامخ کړې دي. د یولس کلن احسان الله یو لاس یې د یوې ناچاودې سرګلولې چاودنې غوڅ کړی دی. ده فرانس پریس اژانس ته وویل چې له همزولیو سره یې لوبې کولې چې چاودنه وشوه. نوموړي ويلي: "موږ کرېکټ کاوه. توپ داسې ځای ولاړ چې هلته یوه سرګلوله وه. کله چې مې توپ واچاوه، چاودنه وشوه." د احسان اله اکا، ګل خان وایي چې د ماینونو او ناچاودو موادو ډېر ګواښ ماشومانو ته متوجې دی. نوموړی وايي: "ماشومانو ته ډېره خطرناکه ده. کله چې موږ په... Читать дальше...

طالبانو د یوې اونۍ په ترڅ کې د دوهم ځل لپاره شرعي حدود په عام محضر کې تطبیق کړل. طالبانو د لوګر په مرکز پل علم کې یو شمېر ښځې او نارینه پرون د دې سربېره په متروکو ووهل چې د بشري حقونو د څار سازمان دوی ته وار له مخه خبرداری ورکړی و. طالبانو د لوګر د مرکز پل علم د فوټبال په لوبغالي کې درې مېرمنې او نهه نارینه د سلګونو کسانو مخکې ته په دروو ووهل. د لوګر یوه چارواکي چې نه یې غوښتل د دې صحنې په اړه معلومات له رسنیو سره په تفصیل شریک کړي او خپل نوم واخلي اسوشیتد پریس اژانس ته دومره وویل چې، د تورنو... Читать дальше...