Новости за 02.08.2023

په دوحه کې د طالبانو له استازو سره د امریکا د دوو ځانګړو استازو په مشرۍ د امریکايي هیئت تر کتنې وروسته بېلابېلو فعالانو د دې کتنې پر اعلامیې نیوکه کړې ده. د افغانستان د ښځو د سیاسي مشارکت شبکې په دې اړه په خپله اعلامیه کې ویلي، که څه هم افغان ښځو د سختیو په ګاللو سره له خپلو مبارزو لاس نه دی اخیستی، خو د مېرمن رینا امیري تسلیمېدل شرموونکې ده.   دغه شبکه په دې باور ده چې په افغانستان کې جنسیتي تبعیض له مخکې تنظیم شوی، چې کرار کرار پرمخ ځي. بلې فعالې مولوده توانا په دې مناسبت پرون خپله هغه... Читать дальше...

د ازادي راډیويي مجلې په دې خپرونه کې د بیرغ کلتوري ارزښت په اړه معلومات اورېدلی شئ. دغه راز په دې  خپرونه کې له افغان شاعر پیرمحمد کاروان سره خبرې شوي. په دې پروګرام کې پر کیسې نقد شوی او کیسه هم اورېدلی شئ. په خپرونه کې شعر هم شته. دا خپرونه احمد شیبر چمتو کړې، چې د لاندې لېنک په کېکاږلو یې اورېدلی شئ:

د پاکستان د بهرنیو چارو وزیر وايي، هېواد یې د تروریزم پر وړاندې د مبارزې لپاره له افغانستان سره همکارۍ ته تیار دی. بلاول بوټو زرداري پرون دغه څرګندونې په باجوړ کې د وروستي ځانمرګي برید په تړاو کړي چې په نتیجه کې یې د مړو شمېر تر ۵۴ زیات شوی دی. زرداري ویلي، پاکستان له افغانستانه غوښتنه کوي چې د تروریزم پر وړاندې په مبارزه کې خپل رول ادا کړي. تېره یکشنبه په باجوړ کې د مولانا فضل الرحمان په مشرۍ د جمعیت علمای اسلام ګوند پر یوې غونډې د شوي برید له کبله شاوخوا دوه سوه کسان ټپیان شوي چې د یو شمېر ټپیانو روغتیایي وضعیت نازک ښودل شوی دی. Читать дальше...

په ننګرهار کې د همیشه بهار راډیو تلوېزیون مسوولانو ویلي، د دوی دفتر د طالبانو د حکومت له‌خوا وتړل شو. د دغې رسنۍ رییس اتل خان ستانکزي رسنیو ته ویلي، پرون ماښام د طالبانو ځواکونو د دوی دفتر وتاړه او خپرونې یې بندې کړې. په جلاوطنۍ کې د خبریالانو د بنسټونو فدراسیون پرون د همیشه بهار راډیو تلوېزیون پر وړاندې د طالبانو له تاوتریخوالي ډک چلند غندلی او غیراصولي یې بللی دی. د دوشنبې په ورځ د طالبانو وسله‌وال د دې رسنۍ دفتر ته داسې وخت ننوتل، چې هلته یو روزنیز ورکشاپ روان و. ځینو رسنیو انتقاد کړی... Читать дальше...

په ایران کې د افغانستان سفارت، چې د طالبانو په کنټرول کې دی وايي، نن چهارشنبه او سبا به دغه سفارت هم د ایران د دولتي ادارو په څېر رخصت وي. دغه سفارت په یوه اطلاعیه کې ویلي، دا پرېکړه په ایران کې د راروانو ورځو پر مهال د هوا د بې‌سارې تودېدو له کبله شوې ده. د ایران حکومت هم اعلان کړی چې د خلکو د خوندیتوب لپاره د هوا د بې‌سارې تودېدو له کبله دولتي ادارې نن چهارشنبه او سبا پنجشنبه رخصت دي. اټکل شوی چې د ایران د پلازمېنې تهران په ګډون په ځینو برخو کې به په راروانو ورځو کې د هوا تودوخه تر ۴۰ سانټي ګرادو واوړي، چې دا بې‌سارې تودوخه ګڼل شوې ده.

د سوډان چارواکي وايي هڅه کوي څو د افراطي ډلو هغه کلیدي مشران بېرته ونیسي، چې په دغه هېواد کې د جګړې په لومړیو کې د زندان ماتولو پر مهال تښتېدلي دي. د دغو کسانو د نیولو د درخواست سند رویټرز اژانس هم کتلی دی. تر درېیو میاشتو زیاته موده کېږي، د سوډان د پوځ او د چټک ملاتړ د ځواکونو په نوم د ملېشه‌وو ترمنځ جګړه روانه ده. په چټک ملاتړ ځواک کې ملېشه ځواکونه او هغه سیاستوال شامل دي چې د کتونکو په وینا دوی غواړي د عمر البشیر مستبد رژیم بیا واکمن کړي. د سوډان پوځ وايي، روانه جګړه د چټک ملاتړ د ځواکونو د بغاوت نتیجه ده. Читать дальше...

د هند چارواکو پرون سې شنبه په شمالي ایالت هاریانا کې د مسلمانانو او هندوانو تر شخړو وروسته ګرځبندیز ولګاوه. پلازمېنې نوي ډیلي ته څېرمه په ګروګرام ښار کې د دوشنبې په ورځ وروسته له هغې ناکراري پیل شوه چې لومړی هندوان او مسلمانان د هندوانو د ځانګړو مذهبي مراسمو پر مهال په شخړه واوښتل. تر دې پېښې وروسته د هاریانا په ځینو برخو کې انټرنېټي خدمات قطع شول او هلته د ملېشه ځواک په زرګونو پوځیان وګمارل شول. د هند پرېس ټرسټ خبري اژانس راپور ورکړی چې په شخړو کې د پولیسو د دوو افسرانو په ګډون لږ تر لږه څلور کسان مړه شوي دي. Читать дальше...

د قزاقستان په لوی ښار الماتا کې پرون سې شنبه په یوه لوړپوړې استوګنیزه ودانۍ کې د اورلګېدو له کبله لږه تر لږه ۳۱ کسان په روغتونونو کې بستر شوي دي. د قزاقستان د عاجلو چارو ادارې ویلي، د اور وژنې مامورین وتوانېدل دغه اور په ۹۶ دقیقو کې مړ کړي. په بستر شویو کسانو کې ۱۶ تنه یې ماشومان دي. په هغو ویډیوګانو کې چې په ټولنیزو شبکو کې خپرې شوي، د خلکو ډلې ښکاري، چې د توشکو په مرسته هڅه کوي هغه ماشومان ټینګ کړي چې له ودانیو ځان لاندې اچوي. چارواکي وايي، شاوخوا ۲۵۰ کسان له دې ودانۍ ایستل شوي او د چا د مړینې راپور نه دی ثبت شوی. Читать дальше...