Новости за 19.08.2023

د افغانستان د خبریالانو د ملاتړ سازمان وایي، چې د طالبانو په حکومت کې د افغانستان په یو ویشت ولایتونو کې ښځینه خبریالانې د فعالیت حق نه لري. د دې سازمان په وینا ،له شپږ ولایتونو پرته ښځینه خبریالانې په نورو ولایتونو کې په خبرې غونډو کې برخه نه شي اخیستلی. سرچینه زیاتوي، چې د اوس لپاره په افغانستان کې یوازې دوه سوه څلور اتیا خبریالانې له رسنیو سره کار کوي. د دې سازمان مشر حامد عبیدي په یوه پیغام کې چې ازادي راډیو ته یې رااستولی دی، وايي چې په تیرو دوو لسیزو کې په افغانستان کې د بیان ازادي او... Читать дальше...

نن د زمري اته ویشتمه له بریتانیا څخه د افغانستان د خپلواکۍ د اخیستو یوسل او څلورمه کالیزه ده. د طالبانو سرپرست حکومت د دې ورځې په مناسبت عمومي رخصتي اعلان کړې ده. یوشمیر افغانان د افغانستان دننه او بهیر دا ورځ لمانځي. پروسږکال په افغانستان کې د یوشمیر هغو کسانو مخه ونیول شوه، چې د امان الله خان د وخت درې رنګه بیرغ یې رپاوه.

د افغانستان لپاره د امریکا د متحدو ایالتونو شارژدافیرې د افغانستان امریکایي پوهنتون ته د دوه سوه افغان محصلینو د رسیدو خبر ورکړ. دا پوهنتون اوس په قطر کې فعاله دی. کرین ډیکر تېره شپه په ټویټر کې ولیکل، چې په دوحه کې د امریکایي پوهنتون دننه یې د دې محصلانو هرکلی ووایه. اغلې ډیکر زیاتوي، چې متحده ایالات اوس هم د افغانستان دننه او د سیمې په هیوادو کې د سلګونو محصلینو ملاتړ کوي. نوموړې وایي، چې افغانان عصري زده کړو ته اړتیا لري. له تېرو دوو کلونو راهیسې طالبانو له شپږم ټولګي ورپوته د نجونو... Читать дальше...

د پاکستان پولیسو تر تحقیقاتو وروسته د جمعې په ورځ وویل، چې د پنجاب په جړانواله ښار کې قهروړیو مسلمانانو د عیسویانو تر اتیا ډیر کورونه او نولس کلیساوې سوځولې دي. د چهارشنبې په ورځ په جړانواله ښار کې مسلمانانو تور پورې کړ، چې دوو مسیحیانو قرانکریم ته سپکاوی کړی دی. تر دې وروسته مسلمانانو د عیسویانو پر کورونو برید وکړ، چې د پولیسو په وینا تر حملې مخکې عیسویان له خپلو کورونو وتلي وو. پولیس وایي چې په دې تړاو یې دوه عیسویان او یوسل او اته وېشت مسلمانان نیولي دي. په پنجاب ایالت کې پرون د عیسویانو... Читать дальше...

د افغانستان او پاکستان ترمنځ د کرکټ د درېیو یو ورځنیو لوبو لړۍ سر له سې شنبې پيلیږي. دا لوبې په سریلانکا کې ترسره کیږي، چې لومړۍ یوه یې په همبنټوټا کې، دوهمه یوه یې بیا دوې ورځې وروسته په همدې ښار کې او دریمه یوه یې د اګست په شپږ ویشتمه په پلازمینه کولمبو کې ده. دا لوبې د اسیایي جام او نړیوال جام په درشل کې ترسره کیږي. د اسیا د کرکټ جام لوبې د اګست په یو دیرشمه پيلیږي، چې د سپتمبر تر اولسمې دوام کوي. د دې جام کوربانه، پاکستان او سریلانکا دي. په دې یو ورځني جام پسې د پنځوس اورونو نړیوال... Читать дальше...

د ښځینه فوټبال په نړیوال جام کې نن د درېیم او څلورم مقام لپاره د کوربه استرالیا او سویډن مسابقه ده. د ښځینه فوټبال نړیوال جام د جولای په شلمه د نیوزیلنډ او استرالیا په کوربه توب د دوه دیرش ملي لوبډلو ترمنځ پيل شو. د دې جام پایلوبه به سبا د انګلستان او اسپانیا ترمنځ ترسره شي.

په کاپیسا کې د طالبانو امنیتي چارواکي وايي ناپېژاندو کسانو د یوې دیني مدرسې مدیر وژلی دی. د کاپیسا امنیه قوماندانۍ په یوه بیان کې ویلي دي، چې دا پېښه د جمعې په ورځ د کوهستان د دوهمې برخې په ولسوالۍ کې شوې. د بیان له مخې، وژل شوی د دارالحفاظ مدیر پنځوس کلن عبدالاحد روحاني دی چې جومات ته د تلو پرمهال برید پرې شوی او وژل شوی دی. په بیان کې د روحاني د کورنۍ د غړو له قوله ویل شوي دي چې نوموړي له چا سره دښمني نه درلوده. د دې وژنې علت نه دی معلوم او طالبان وايي په دې اړه یې تحقیقات پیل کړي دي.

د ازبکستان ولسمشر په افغانستان کې د ریللارې د جوړېدو پر اهمیت ټینګار کوي. د ازبکستان د رسنیو د راپور له مخې، شوکت میرضیایف نن له پانګوالو سره په پرانیستي دیالوګ کې د افغانستان په خاوره کې ریللار د خپل هیواد لپاره ګټوره وبلله او ویې ویل، که دا لار جوړه شي له جنوبي اسیا سره به د ازبکستان د وصلېدو لپاره تر ټولو اقتصادي او خوندي لار وي. د ازبکستان، پاکستان او د طالبانو تر کنټرول لاندې افغانستان استازو تېره میاشت په اسلام اباد کې له مزارشریف څخه تر پاکستان پورې د ریللارې پر جوړولو موافقه وکړه.

د سعودي عربستان ولیعهد محمدبن سلمان د ایران د بهرنیوچارو له وزیر حسین امیر عبداللهیان سره په جده کې وکتل. په تېرو څو  کلونو کې د دواړو هېوادونو په اړیکو کې له ترینګلتیا وروسته دا د دواړو هېوادونو ترمنځ د لوړې کچې خبرې دي. دا کتنه یوه ورځ وروسته له هغه کېږي چې عبداللهیان سعودي عربستان ته ورسېد او له خپل سعودي سیال فیصل بن فرحان سره تر لیدنې وروسته یې اعلان وکړ، چې د تهران او ریاض اړیکي په سم ډول دوام لري.

د ازادۍ د جبهې په نوم د طالبانو مخالفه ډله ادعا کوي، چې د پروان ولایت په بګرام ولسوالۍ کې یې د طالبانو پر یوه پوسته برید کړی، پنځه طالبان یې وژلي او درې نور یې ټپیان کړي دي. دې ډلې پر خپل ټویټر په یوه بیان کې لیکلي، چې بېګانۍ حمله یې په سرجوی رباط سیمه کې کړې ده. دا ډله که څه هم ادعا کوي، چې له طالبانو سره د دوی نښتې یوساعت دوام وکړ خو وايي وسله والو ته یې زیان نه دی اوښتی. د افغانستان د ازادۍ جبهې مخکې د کابل په خیرخانې سیمه کې هم پر طالبانو د وسله وال برید ادعا کړې وه او ویلي یې و، چې څلور طالبان یې وژلي او شپږ نور يې ټپیان کړي دي. Читать дальше...