په امریکا کې د "بارک اېر" په نوم د سپيانوو لپاره خصوصي هوایي شرکت جوړ شوی چې سپيان له خپلو مالکانو سره يو ځای د هغه شرکت په الکوتکو کې سفر کولای شي. د دغه هوایي شرکت جوړوونکي وایي چې زياتره خلک له خپلو سپيانو سره سفر نه شي کولی نو ځکه یې د هغوی لپاره خصوصي پروازونه پیل کړي دي. د رويټرز اژانس له ويډيو جوړ راپور
د امريکا د نیویارک ښار يوې عدالتي جرګګۍ د مې پر ۳۰مه د هغه هېواد پخوانی ولسمشر ډانلډ ټرمپ د ۲۰۱۶ز کال د ولسمشرۍ په انتخاباتو کې په غیر قانوني ډول له نفوذ کولو نيولې بيا د جعلي سوداګرۍ تر څنګ د هغه خلاف په ټولو ۳۴ جنايي تورونو کې پړ بللی دی. ټرمپ د امریکا په شاوخوا ۲۵۰ کلن تاریخ کې لومړی مخکينی يا برحاله ولسمشر دی چې په "جنايي قضیو کې پړ پېژندل" کېږي. نوموړي پر هغه لګول شوي تورونه په کلکه رد کړي دي. د اسوشيېټېډ پرېس اژانس له ويډيوګانو جوړ راپور.
د پکتیا ولایت په زرمت ولسوالۍ د کتابونو د یو نندارتون په جوړېدو د کتاب اونۍ ولمانځل شوه چې پکې يوشمېر خلکو ګډون وکړ. زرمت ولسوالي په وروستیو دوه لسیزو کې له سختو ناامنیو سره مخامخ وه او تر ډېره يې خلکو د ژوند د نورو برخو ترڅنګ زده کړو او کتاب لوستنې ته هم پوره لاسرسۍ نه لاره.
د جرګې ګډونوالو وویل چې په کستووي او سمبازه کې دې پوځي عملیات ودرول شي او له دانه سر څخه دې د سرحدي عسکرو چیک پوسټونه ليرې کړل شي او عادي خلکو او سوداګرو ته دې په ازاده توګه د تګ راتګ اجازه ورکړل شي.
په افغانستان کې د طالبانو په واک کې تر راتلو وروسته په زیاتره ادارو کې ښځې له کاره منع شوي دي چې له وجې یې د کورنیو اقتصادي ستونزې زیاتې شوې دي، خو یو شمېر داسې مېرمنې هم شته چې اوس یې کاروبارونه پیل کړي دي او نورو ښځو ته یې د کار موقعې ترڅنګ د خپلو کورنیو مالي مرستې کوي. په دې ښځو کې یوه فروزان کوهستانۍ هم ده. هغې د کیکونو بېکري یې جوړه کړې او له ځان سره یې نورې ښځې هم په کار بوختې کړي دي. انیسه اجمل په دې اړه د رویټرز اژانس له ویډیو دا راپور جوړ کړی دی.
د پاکستان د پنجاب په جنګ ضلع کې څه باندې ۱۶ کاله وروسته يو ځل بيا جشنونه او مېلې کېږي. هلته د مذهبي تاوتريخوالي او پر زيارتونو او جشنونو له بريدونه وروسته پر کلتوري غونډو او مېلو بنديزونه لګېدلي ول. د فرانس پرېس اژانس له ويډيو جوړ راپور .
نن په روغتیا او درملنه خپرونه کې د تمباکو د استعمال پر ناوړه اثراتو بحث لرو. د روغتیا نړیوال سازمان د مې ۳۱مه د تمباکو استعمال پر ضد هڅو او پوهاوي ته ځانګړې کوي. په پاکستان او افغانستان کې تمباکو په بېلابېلو اشکالو کارېږي چې د روغتیاپالانو په وینا، د سرطان تر څنګ د ګڼو نورو رنځونو سبب کېږي. په خپرونه کې د تمباکو د بېلابېلو نشو پر پرېښودو هم غږېدلي یو. بشپړه خپرونه واورئ.
