Новости за 09.04.2025

د بې پولې ډاکترانو بنسټ ام اس اف وايي یو شمېر افغان او سوریايي پناه غوښتونکې افغانان د یونان په کمپونو کې په خوارځواکۍ اخته شوي دي. دغه بنسټ ویلي، په وروستیو څېړنو کې یې د یونان د ساموس ټاپو د کډوالو په کمپ کې د افغان او سوریايي ماشومانو په منځ کې د خوارځواکۍ شپږ پېښې ثبت کړي دي. د بې پولي ډاکترانو بنسټ په یوه اعلامیه کې چې تازه یې خپره کړې ویلي دا ماشومان له شپږو میاشتو تر شپږو کلونو عمر لري او په متوسطې او حادې خوارځواکۍ اخته دي. په اعلامیه کې راغلي د ۲۰۲۱ کال راهیسي چې دوی په دې برخه کې کار شروع... Читать дальше...

هایلایټ، لنډ او مهم خبرونه له فریدې سیال سره

په کابل کې د ترکیې سفارت وايي، د افغانستان د همغږۍ ډله به نن او سبا په استانبول کې ناسته ولري. دې سفارت نن د (اپریل۹مه) پر خپلې ایکس پاڼې د دې ناستې د پیل خبر ورکړی او ویلي دي، "په ناسته کې د افغانستان په اړه د نړیوالو ټولنې د لومړیتوبونو، پلانونو او د مرسته کوونکو د فعالیتونو په اړه خبرې اتري کیږي". وړمه ورځ د افغانستان لپاره د ملګروملتونو مرستندویه ماموریت په یو بیان کې ویلي و، تمه لري د استانبول په ناسته کې د افغانانو لپاره بشري مرستې راټولې کړي. دا ناسته په داسې حال کې ده، چې د رویترز خبري اژانس... Читать дальше...

بېنظیره هغه افغانه کډوال ده چې په ۹۰مه لسیزه کې پاکستان ته کډه شوې وه. دا افغاني رستورانت د هغې دی. په وروستیو ورځو کې چې له پاکستانه د افغان کډوالو د جبري ایستلو لړۍ شدت موندلی، دې رستورانت خپل مشریان له لاسه ورکړي او خالی دی.

د پاکستان وزیراعظم وايي، که هېواد یې د خپلو معدني زېرمو په ټولولو وتوانېږي نو د پیسو نړیوال صندوق (ای اېم اېف) په څېر مالیاتي ادارو ته به "مخه ښه ووايي."شهباز شریف د اپرېل پر اتمه په اسلام اباد کې په معدنیاتو کې د پانګونې په اړه دوه ورځنۍ غونډې ته په پرانیستونکې وینا کې وویل، په پاکستان کې د معدني زېرمو ارزښت "زرګونه مېلیارده (ټرېلیینونه) ډالر" دی. نوموړي د یوې کوټلې تګلارې پر جوړولو ټینګار وکړ. "سر له ننه باید یوه شریکه تګلاره وي چې تاسو [پانګوال] خام مواد استخراج کړئ، صنعت ولرئ، هغه په توکو یا... Читать дальше...

په اسلام اباد کې مېشت افغانان وايي هېواد ته ستنېدو ته تیار دي، خو حکومت دې ورته مهلت ورکړي چې ټولې کاروباري چارې بشپړې کړي او ولاړ شي. یو افغان وویل، د کورنۍ ځینې غړي یې د افغان تابعیت (سېټېزن) کارډونه لري چې د پاکستان د وګړو د نوملیکنې، شناختي کارډونو او نورو اسنادو ادارې (نادرا) ورکړي ول او نور بیا د ملګرو ملتونو د کډوالو ادارې (یو اېن اېچ سي ار) د مهاجرت یا پي او ار کارډونه لري. دی وايي، که حکومت د تابعیت کارډ لرونکي وباسي نو کورنۍ یې تقسیمېږي. د پاکستان حکومت وايي، د بې اسناده او تابعیت کارډ لرونکو ایستلو ته ژمن دی. Читать дальше...

د امریکا ولسمشر ډونالډ ټرمپ یوځل بیا ویلي، د بګرام هوايي اډه د چین په لاس کې ده. ټرمپ پرون سه شنبې ګانګرس کې د جمهوري غوښتونکو ملي کمیټې ته په وینا کې ویلي، که چیرته له افغانستانه د امریکايي ځواکونو وتل د هغې د واک پرمهال ترسره شوی وای، هغه به د بګرام هوايي اډه د امریکا په کنټرول کې ساتلې وه. ټرمپ په خپلو څرګندونو کې د بګرام هوايي اډه د نړۍ یوه له لویو هوايي اډه وبلله. " ما افغانستان پرېښوده، زه هغه څوک وم چې له افغانستانه وتل مې ممکن کړل، خو د بګرام هوايي اډه مې د افغانستان لپاره نه، بلکې د دې لپاره... Читать дальше...

په افغانستان کې متقاعدین وایي، د طالبانو حکومت ورسره ژمنه کړې وه چې همدې حمل میاشت کې به یې د تقاعد حقوق ورکوي، خو وایي تراوسه هم دې بهیر کې قانوني خنډونه پاته دي.

د امریکا متحده ایالات له افغانستان پرته د یو شمېر نورو هیوادونو لپاره د بهرنیو مرستو ځنډول شوي پروګرامونه بیا پیلوي.

د ټرمپ ادارې د یو شمیر هېوادونو لپاره د بشري مرستو د لیږد لړۍ بیرته پیل کړې ده. رویترز خبري اژانس د پنځو باخبرو سرچینو په حواله راپور ورکړی چې د ټرمپ حکومت پرون سه شنبې پریکړې کړې چې لبنان، سوریه، سومالیا، اردن، عراق او ایکوادور ته د بیړنیو خوارکي توکو د مرستې پروګرامونه بیرته پیل کړي. له دې وړاندې رویټرز خبري اژانس راپور ورکړی و چې د امریکا حکومت پریکړه کړې د خپلو ټولو یا ډیرو بهرنیو مرستو پروګرامونه وتړي. د رویټرز په ټکو افغانستان د دې هېوادونو په لیست کې شامل نه دی. له دې مخکې د امریکا د بهرنیو... Читать дальше...

د دومینیکن جمهوریت چارواکي وايي چې د دې ټاپو په پلازمېنه کې د یوه نایټ کلپ د چت تر نړېدو وروسته، لږ تر لږه ۹۸ تنه وژل شوي او ۱۶۰ نور ټپیان شوي دي. د راپورونو له مخې، د «جېټ سِټ» په نوم نایټ کلپ چت د سې شنبې سهار وختي د سانتو دومینګو په ښار کې راپریوت، او ژغورونکې ډلې لا هم د ملبې لرې کولو او د مړو او ټپیانو د راایستلو په حال کې دي. ویل شوي چې دا پېښه هغه مهال رامنځته شوه چې هلته یو کنسرت روان و، او یو شمېر سیاستوال، ورزشکاران او نور کسان پکې ګډون درلود. خوان مانوئل مندز، چې د بیړنیو حالاتو د عملیاتو مرکز مشر دی، د سې شنبې شپې وویل... Читать дальше...

اوکرایني ولسمشر وولودیمیر زېلېنسکي ادعا کړې چې ځواکونو یې "دوه چینايي وګړي نیولي" دي چې په دونېڅک سیمه کې له روسیو پوځیانو یوځای یې د سرتېرو پروړاندې جنګېدل.نوموړي د کییف پر ملګرو او متحدانو غږ کړی چې له بیجنګه سپیناوی وغواړي او غبرګون دې وښيي. زېلېنسکي د اپرېل پر اتمه پر ټېلېګرام په یو پیغام کې دعوه وکړه چې دوه چینايي وګړي د یوې نښتې پر مهال نیول شوي. دی وايي، یوشمېر نور چینايي سرتېري هم په دونېڅک کې د "روسانو په ملاتړ" جنګېدل. بیجنګ د ۲۰۲۲ز کال په فبرورۍ کې پر اوکراین د روسیې له بشپړ یرغل راهیسې د مسکو نېږدې متحد پاتې شوی دی. Читать дальше...

د بدخشان ـ تخار لویه لار د شدید ورښتونو او سیلونو د راوتو له کبله تړل شوې ده. په بدخشان ولایت طبیعي پېښو ته د رسیدنې رییس محمد اکرم اکبري رسنیو ته ویلي، دا لار نن سهار د سیلابونو د جاري کیدو له کبله تړل شوې ده. ښاغلي اکبري ویلي، د لارې د بیرته خلاصون هڅې روانې دي. هغه له مسافرو او موټروانانو غوښتي چې د لارې تر خلاصیدو دې بدخشان ولایت ته له سفر کولو ډډه وکړي. تراوسه د دغو ورښتونو او سیلابونو له کبله د احتمالي تلفاتو او زیانونو په اړه جزیات نشته.

متحده ایالاتو تایید کړه چې د دوی ځانګړی استازی سټیف ویټاکاف به د شنبې په ورځ له ایراني پلاوي سره په غونډه کې برخه واخلي. د فرانسې خبري اژانس د راپور له مخې، متحده ایالاتو ټینګار کړی چې ویتکاف به د غونډې په جریان کې د ایران د اټومي پروګرام په اړه غوښتنې راپورته کړي او هیڅ ډول خبرې اترې به ونه شي. د امریکا د بهرنیو چارو وزارت ویاندې ټمي بروس د سې شنبې په ورځ خبریالانو ته وویل چې ویتکاف، د امریکا د ولسمشر ډونالډ ټرمپ ملګری چې د غزې او اوکراین په جګړو کې یې د هغه د استازي په توګه هم دنده ترسره کړې، د شنبې په ورځ په عمان کې له ایراني لوري سره ګوري. Читать дальше...

د امریکا متحد ایالتونه او روسیه به پنجشنبه( د اپریل ۱۰) د ترکیې په استانبول کې د دیپلوماتیکو ماموریتونو په تړاو خبرې وکړي. د امریکا د بهرنیو چارو د وزارت ویاندې ټمي بروس د سې شنبې په ورځ په واشنګتن کې خبریالانو ته وویل چې د مسکو او واشنګتن پلاوي به د سفارتونو د چارو د فعالیتونو په اړه د دوهم ځل لپاره سلامشورې وکړي. اغلې بروس زیاته کړه چې په دې خبرو کې به پر بلې هیڅ سیاسي یا امنیتي موضوع بحث ونه شي او نوموړې ټینګار وکړ چې د اوکراین جګړه په دې اجنډا کې بیخي شامله نه ده.

د افغان ښځو د حقونو یو شمیر فعالانې ایټالیا ته د سلګونو افغان کډوالو د انتقال په برخه کې د سنت‌ اِجیدیو ټولنې (Community of Sant'Egidio) د همکارۍ د اعلان هرکلی کوي.

د بشري حقونو یو شمېر سازمانونو او ډلو د یوې اونۍ په ترڅ کې له پاکستانه د زرګونو افغان کډوالو د شړلو په اړه اندېښنه څرګنده کړې ده. د بشري حقونو د څار ادارې د افغانستان څېړونکې فرشته عباسي وایي: "پاکستان خپل نړیوال مکلفیت له پامه غورځولی دی او خلک هغو ځایونو ته سپاري چې د دوی حقوق هلته له خطر سره مخامخ دي." عباسي زیاته کړه چې "ټول هغه هیوادونه چې د افغان کډوالو کوربه توب کوي باید دا ومني چې افغانستان د بیرته ستنیدو لپاره خوندي نه دی." رویټرز راپور ورکړی چې د ملګرو ملتونو د کډوالو عالي کمیشنرۍ (UNHCR)... Читать дальше...

د افغانستان او نیپال د کرکټ تر نولس کلونو د کم عمر ملي لوبډلې به نن یوه ورځنۍ لوبه وکړي. دا نیپال ته د افغانستان تر نولس کلونو د کم عمره ملي ټیم د دې سفر وروستۍ لوبه ده چې په پلازمینه کتمندو کې به ترسره شي. افغانستان تر دې مخکې په دوو لوبو کې چې د اپریل په دریمه او شپږمه وشوې، نیپال ته ماتې ورکړه. تر دې لړۍ وروسته به افغان لوبډله په هغو مسابقو کې برخه واخلي چې تر نولس کلونو د لږ عمره کرکټ نړیوال جام د غوراوي لپاره ترسره کیږي.

د طالبانو د کورنیو چارو د وزارت ویاند وایي چې د دوو نیول شویو بریتانیایانو دوسیه محکمې ته سپارل شوې ده. عبدالمتین قانع اسوشیتد پریس اژانس ته د سې شنبې په ورځ وویل چې د دې دوو کسانو جرم لوی نه دی. یو نارینه بریتانیایی پیټر رینولډز چې نهه اویا کاله عمر لري له خپلې میرمنې باربي سره چې پنځه اویا کاله عمر لري د فبروري په لومړیو کې په بامیان کې نیول شوي وو. دغو دوو کسانو هلته د زده کړې او روزنې پروګرامونه مخته وړل. د طالبانو د کورنیو چارو د وزارت ویاند ویلي دي چې د دې دوو کسانو مشکل به که خدای کول ژر حل شي. Читать дальше...

د اروپا د فوټبال د اتلولۍ لوبو په ترڅ کې تیرماښام د انګلستان ارسنل د اسپانیا ریل ماردید ته درې د صفر په وړاندې ماتې ورکړه او په بل کوارټرز فاینل کې د جرمني بایرن مونیخ د ایټالیا له انټرمیلان څخه دوه د یوه په مقابل کې ماتې وخوړه. د دې اتلولۍ په ترڅ کې نن هم د کوړارټرز فاینل دوې لوبې ترسره کیږي، یوه د اسپانیا د بارسلونا او د جرمني د دورتموند ترمنځ ده بله یوه د فرانسې د پاریس سنت جرمان او د انګستان د استن ویلا ترمنځ. ننۍ لوبې د شپې نهه بجې پيلیږي.

د افغانستان، چین، پرتګال او مراکش د فوتسال د ملي لوبډلو ترمنځ نن په مراکش کې ټورنمنټ پیلیږي. د افغانستان د فوټبال فدارسیون په خپله فیسبوک پاڼه کې پرون مراکش ته د افغان لوبډلې د سفر خبر ورکړ. د څلورو ملي لوبډلو ترمنځ به دا لوبې تر یکشنبې روانې وي. افغان لوبډله به تر دې ټورنمنټ وروسته د اپریل په شپاړسمه له کوربه هیواد مراکش سره یوه دوستانه لوبه هم وکړي.

ایرانۍ رسنیو خبر ورکړ چې د سکرو د کان اووه کارګر چې درې یې افغانان دي د سمنان په ولایت کې د کان دننه د ګاز د خپریدو له امله مړه شوې دي. ایراني رسنیو د دریو مړه شویو افغان کارګرانو په اړه په خپلو راپورونو کې ویلي دي چې یو یې ابراهمي تخلص کوي شل کلن دی، بل اکبري پنځه ویشت کلن دی او دریم هم ابراهیمي تخلص کوي چې د پنځه ویشت کلونو دی. د ایراني رسنیو د راپور له مخې دا پیښه د دوشنبې مازدیګر مهال د جواهر زغال په کان کې رامنځته شوې ده. په ایران کې افغان کډوال تر ډیره سخت کارونه کوي او په هره برخه کې د کار کولو اجازه نه ورکول کیږي. Читать дальше...

د اوکراین ولسمشر ادعا کړې چې د دوی وسله والو ځواکونو دوه چینایي اتباع نیولي دي چې د اوکراین په دونیڅسک سیمه کې له روسیي پوځیان سره د اوکرایني ځواکونو پرضد جنګیدل.