افغانستان سریلانکا ته د ۳۴ منډو په توپیر لوبه وبایلله
د کرکټ نړیوال جام په سیالیو کې افغانستان پرون سریلانکا ته د ۳۴ منډو په توپیر لوبه وبایلله.
په پرونۍ لوبه کې سریلانکا وکولای شول چې ۲۰۱ منډې هدف وټاکي، خو د افغانستان لوبډلې په ۳۳م اور کې د ټولو لوبغاړو په سوځېدو یوازې ۱۵۰ منډې جوړې کړای شوې.
د افغانستان د کرکټ بورډ عمومي رئیس عزیزالله فضلي د سې شنبې په ورځ ازادي راډیو ته وویل چې ټیمیې ځینې کمزورۍ درلودې چې یو شمېر حل شوې او هڅه کوي چې نورې ستونزې هم هوارې شي.
د کرکټ په نړیوال جام کې د افغانستان بله لوبه د شنبې په ورځ د نیوزیلاند له ټیم سره ده.
د دې سیالیو په لړ کې نن د هندوستان لوبډله له جنوبي افریقا او بنګلهدېش له نیوزیلاند سره لوبه کوي.