د متشبثینو عالي بورډ: اذربایجان ته به۴۰ ټنه هندواڼې صادرې شي
د افغانستان د متشبثینو عالي بورډ وایي، نن به د اذربایجان په لور ۴۰ ټنه هندواڼې صادر شي.
د دغه بورډ مشر رحم الدین حاجي اغا ازادي راډيو ته وویل چې دا صادرات به د فراه ولایت له لوري د هرات ولایت له لارې وشي:"هڅه کوو چې له دې وروسته د هندواڼو او خټکیو تر څنګ نورو محصولاتو ته هم نړیوال بازار موندنه وکړو، څو د فراه او نورو لویدیځو ولایتونو محصولات ښه بازار ولري."
ښاغلی حاجي اغا وایي، تر دې مخکې له فراه او نورو لویدیځو ولایتونو څخه په سلګونو ټنه هندواڼې او خټکي راټول شوي دي.