کونړ کې د دانګام لپاره د طالبانو نومول شوی ولسوال چاودنه کې وژل شوی
د افغانستان په ختیځ کې د کونړ ولایت چارواکې وايي، د دانګام لپاره د وسله والو طالبانو نومول شوی ولسوال په یوه چاودنه کې وژل شوی او دوه ملګري يې ټپيان شوي دي.
د کونړ د والي ویاند عبدالغني مصمم د سې شنبې په ورځ (تلې دویمه) ازادي راډیو ته وویل، د خلیل په نوم دا طالب تېره ورځ د شلتن ولسوالۍ په چوګام کې وژل شوی.
ښاغلي مصمم وویل، ماین له وړاندې په سیمه کې ځای پرځای شوی و.
تر اوسه طالبانو د دې پيښې په اړه څه نه دي ویلي.