له کابل ښاره لسګونه معتادین د درملنې لپاره را ټول کړل شول
له کابل ښاره لسګونه معتادین د درملنې لپاره را ټول کړل شول.
د عامې روغتیا وزات د نشه يي موادو د غوښتنې کمولو ریاست په خبرپاڼه کې راغلي چې د امنیې قوماندانۍ د پولیسو په مرسته یې د کابل ښار له بېلابېلو ناحیو څخه (۱۵۰) معتادین را ټول او د درملنې لپاره یې زر بستریز روغتون ته انتقال کړي دي.
د یادونې وړ ده چې د سږني شمسي کال له پیله تر اوسه په اوو مرحلو کې له کابل ښاره دوه زره معتادین را ټول او د درملنې لپاره روغتيايي مرکزونو ته معرفي شوي دي.