پاکستان کابل کې خپله قونسلګرۍ پرانیسته
په کابل کې د پاکستان سفارت چارواکو ازادي راډیو ته ویلي چې دوی به د ورځې یو نیم زر ویزې افغانانو ته اجرا کوي.
سلګونه کسان چې پکې ښځې، ماشومان او ناروغان هم شامل دي په کابل کې د پاکستان سفارت مخته انتظار باسي څو ویزې ترلاسه کړي.
له دې مخکې شاوخوا دوه میاشتې په کابل کې د پاکستان د سفارت قونسلي څانګه د سیاسي او ډپلوماټیکو لانجو په خاطر تړلې وه.
پرون د پاکستان د بهرنیو چارو وزارت اعلان کړی و چې سر له یکشنبې په کابل کې خپله قونسلګري بېرته پرانیزي.
دا وروسته له هغه چې په پېښور کې افغان سفارت هم خپله قونسلګري پرانیستله.
د افغانستان سفارت په پېښور کې د افغان مارکیټ د لانجې په اعتراض خپله قونسلګري تړلې وه.