جاپان ته د چین د ولسمشر سفر ځنډېدلی
د جاپان د کابینې منشي یوشيهید سوګا نن په توکیو کې خبریالانو ته وویل چې ولسمشر "شي" به په یوه مناسب وخت کې دا سفر وکړي.
د جاپان صدراعظم سنزو ابې تېر کال په اوساکا کې د جي شل غونډي پر مهال د چین ولسمشر ته د ورتلو بلنه ورکړې وه.
دا سفر د اپریل میاشتي لپاره پلان شوی و.
سوګا وویل: " د دواړو هېوادنو لپاره تر ټولو لویه ننګونه اوس د نوي کرونا ویروس د خپرېدو مخنیوی دی او دا اړینه ده چې همدې کار ته لومړیتوب ورکړو."
جاپان ته د چین د ولسمشر وروستی ځل په ۲۰۰۸ کال کې سفر کړی وو او هغه د دواړو هېوادونو تر منځ د اړیکو یوه ښه نښه بلل شوې وه.