روسیه کې په کرونا ویروس د اخته کسانو شمېر بېساری زیات شو
د کرونا ویروس پر ضد د مبارزې دولتي کمېټې نن وویل چې په تېرو ۲۴ ساعتونو کې ۶۰۶۰ نور کسان په دې ناروغۍ اخته شوي او له دې سره د ټولو ناروغانو شمېر نږدې ۴۳ زرو او د مړو شمېر ۳۶۱ ته ورسېد.
روسیې د کرونا ویروس د مخنیوي لپاره کلک وقایوي تدابیر نیولي او حتی له چین سرهیې خپل سرحدونه له ډېرو اروپايي هېوادونو مخکې بند کړل، خو له دې سره سره په دې وبا د اخته کسانو شمېر لوړ شوی دی.
د روسیې ولسمشر ولادیمیر پوتین خپلو خلکو ته ډاډ ورکړی دی چې وضعیت تر کنټرول لاندې دی، خو څارونکي او منتقدان وايي چې د دوی په نظر د حکومت لهخوا اعلان شوې شمېرې لږې ښکاري.