د اذربایجان او ارمنستان ځواکونو ترمنځ سخته جګړه شوې
د نګورنو قره باغ پر مرکز او د اذربایجان پر څو ښارونو لاهم د توغندیو او توپونو بریدونه کېږي.
د سره صلیب نړیوالې کمېټې پرون د دغو ړندو ګولۍ ویشتلو راپورونه او په ښارونو او د ګڼې ګوڼې ځایونو کې ادعا شوي ناقانونه بریدونه او چاودنې وغندلې.
پرون د نګورنو قره باغ چارواکو وویل، چې د دغې سیمې پر مرکز ستیپاناکیرت او نږدې ښار شوشي د درېیمې ورځې لپاره د توغندیو او توپونو بریدونه روان وو.
د اذربایجان د دفاع وزارت بیا ویلي، ارمنستاني ځواکونو د دغه هېواد دویم لوی ښار ګنکا په توغندیو او توپونو ویشتی.