دفاع وزارت: کندهار کې ۶۰ وسله وال طالبان وژل شوي
وزارت نن شنبه (د لړم ۲۴مه) په یوه خبرپاڼه کې وویل چې دغه وسله وال په ژیړۍ، پنجوایي، میوند، میانشین او شاولیکوټ ولسوالیو کې وژل شوي دي.
په خبرپاڼه کې راغلي چې د عملیاتو پر مهال ۳۰ میله وسلې او مهمات هم د امنیتي ځواکونو لاس ته ورغلي دي.
طالبانو د دولتي چارواکو د دغې ادعا په اړه څه نه دي ویلي.
کندهار هغه ولایت دی چې وروستیو شپو ورځو کې ترې د تودې جګړې راپورونه ورکول کیږي.